Luan Larti


Administrator i kompanisë, Larti sh.p.k

Emri i kompanisë: Larti sh.p.k

Xhiro e biznesit 2022: 52 milionë euro

Numri i punonjësve: 200

Vendndodhja: Korcë

Me biznesmenin korcar Luan Larti e kishim lënë të takoheshim tek një kompleks pallatesh në hyrje të Korcës, aty ku dikur ka qenë fabrika e trikotazhit. Është një kompleks, nga më të bukurit e më cilësorët e qytetit, që e ka ndërtuar kompania Larti sh.p.k. Pata ndjesinë se aty duhet të ishin zyrat e kompanisë, por Luan Larti më orientoi nëpërmjet telefonit të shkoja e ta takoja tek kantieri, aty afër. Kur mbërrita shikoj administratorin dhe njëkohësisht një nga pronarët e kompanisë Larti sh.p.k në mes të kantierit, duke ndjekur punimet. “Nuk ke drejtues punimesh që rri vetë në kantier”, i them me humor. Dhe përgjigjen do ta merrja pak caste më vonë kur u ulëm të bisedojmë. “Kompleksin e kam dhënë me sipërmarrje, grupeve të ndryshme që kryejnë punime sipas specializimit që kanë. Por më pëlqen shumë ti ndjek edhe vetë punimet, pasi marr kënaqësi kur shikoj ritmet e punës, kur shikoj ndikimin social të aktivitetit në një kontigjent prej afro 200 punonjësish, kur shikoj përmbushjen e grafikëve ditorë të punës, kur shikoj se si godinat rrisin
shtatin cdo ditë etj.

Më shumë informacion mund të gjeni tek libri “Biznesi Shqiptar, Më të mirët 2023”


Nadir Causholli


President i kompanisë CFO Pharma

Emri i kompanisë: CFO Pharma

Xhiro e biznesit 2022: 60 milionë euro

Numri i punonjësve: 300

Vendndodhja: Tiranë

Kur Nadir Causholli themeloi kompaninë CFO Pharma, shumë të pakët mund të jenë ata që kanë parashikuar se ajo do të ishte lider në tregun farmaceutik. Kjo për arsyen e thjeshtë se në vitin 2003,kyr lindi CFO Pharma, në tregun farmaceutik kishte disa kompani të konsoliduara, me aktivitet të nisur më parë se sa ajo. Por ja që hierarkia në tregje nuk është e “ngrirë” njëherë e përgjithmonë. Pasi nëse ky do të ishte një rregull apo ligj i pashkruar atëhere nuk do të lindnin kurrë kompani e subjekte të reja. CFO Pharma tregoi se kur punohet me strategji e qartësi, me vullnet e përkushtim për arritjen e objektivave, merr edhe shpërblimin përkatës. Prej vitesh CFO Pharma është kompani lider në tregun farmaceutik shqiptar. Që nga viti i themelimit e deri më sot ajo ka njohur vetëm rritje dhe zgjerim. Fokusi i kompanisë është regjistrimi, importimi, shperndarja, shitja,marketing, promovimi dhe eksportimi i produkteve farmaceutike, pajisjeve medicinale dhe shtesave ushqimore.

Më shumë informacion mund të gjeni tek libri “Biznesi Shqiptar, Më të mirët 2023”


Mark Gjinaj


President i Rafaelo Group 2002

Emri i kompanisë: “Rafaelo Group”

Xhiro e biznesit 2022: 64 milion EURO (Rafaelo 2002 – Rafaelo Resort)

Numri i punonjësve: 700 Vendndodhja: Tiranë

Themeluesi i Rafaelo Group 2002 , zoti Mark Gjinaj, është një ndër biznesmenët më të suksesshëm të Shqipërisë, një personalitet i cili përfaqëson vlera dhe virtyte të larta në shoqëri. Përmes vizionit dhe manaxhimit, z. Gjinaj ka arritur t’i bëjë ballë sfidave dhe ta bëjë Rafaelo Group 2002 një ndër kompanitë më të mëdha në vend,e njohur jo vetëm në Shqipëri por edhe jashtë saj. Që nga themelimi i saj, kjo kompani, e njohur për prestigjin e saj, ka qenë një burim frymëzimi dhe inovacioni në sferën ekonomike shqiptare. Duke iu përkushtuar vlerave të korrektësisë dhe profesionalizmit, Rafaelo Group 2002, ka vendosur një traditë të ndërtuar mbi integritetin dhe cilësinë e shërbimeve dhe produkteve të saj.

Më shumë informacion mund të gjeni tek libri “Biznesi Shqiptar, Më të mirët 2023”


Luan Leka


President i “EHW” Group

Xhiro e biznesit 2022: 65 milion EURO

Ndryshimi në % 22/21: +15

Numri i punonjësve: 500

Vendndodhja: Tiranë, Krujë

Luan Leka ishte shumë i qartë rreth shkaqeve të “fikjes” së industrisë shqiptare kur vendi filloi ndryshimin e sistemit ekonomik. Ushtrimi i profesionit të inxhinierit në ekonominë e dikurshme të centralizuar, por edhe karriera e admirueshme si kryeinxhinier në kombinatin e autortraktorëve apo në Institutin e Studimeve Mekanike e kishin bërë dëshmitar të faktit që detyra e cdo ndërmarrje ishte vetëm të prodhonter. Jo për të shitur, pasi për këtë kujdesej ai që në atë kohë quhej Komisioni i Planit të Shtetit. Ndaj, kur Luan Leka filloi në vitin 1992 aktivitetin privat, duke krijuar “EHW”, ai e kishte tërësisht të qartë strategjinë e veprimit, ku tashmë jo vetëm duhej prodhuar, por edhe duhej shitur. Madje suksesi ka për etalon rritjen e volumeve të shitjes. Tani që “EHW” ka mbushur 30 vite jetë ajo ka disa karakteristika pothuajse unike në biznesin shqiptar.

Më shumë informacion mund të gjeni tek libri “Biznesi Shqiptar, Më të mirët 2023”


Agro Blend Group


Xhiro e biznesit 2022: 75 milion EURO

Ndryshimi në % 22/21: +27

Numri i punonjësve: 302

Vendndodhja: Tiranë

Në realitetin shqiptar ka jo pak biznese që janë zhvilluar në atë formë dhe në ato përmasa saqë kanë arritur të marrin trajtën e një grupi të mirëfilltë biznesi. Me fjalë të tjera biznesit fillestar, i janë bashkangjitur me kalimin e kohës edhe aktivitete të tjera. Në se do të duhej të përmendnim apo ti referoheshim një shembulli tipik domethënës për mënyrën e kalimin të natyrshëm në nivelin e një grupi biznesi, Agroblend është nga të parët që na vjen ndërmend. Fillesat e kompanisë janë me një natyrë biznesi të dedikuar fermerëve shqiptar duke iu ofruar atyre produkte të ndryshme si pesticide, olehra kimike dhe organike, film plasik, aparate spërkatës, sisteme vaditjeje, didanë perimorë dhe frutorë etj. Me një aktivitet të ndërtuar mbi moton “gjithcka për fermerin, gjithmonë pranë fermerit”, Agroblend i ka furnizuar ata për një periudhë prej afro 28 vitesh me inpute bujqësore cilësore. Produktet vlerësohen cdo vit përmes provave në zona të ndryshme klimaterike dhe ato prezantohen në treg pas aprovimin nga ana e ekipit të Agroblend.

Më shumë informacion mund të gjeni tek libri “Biznesi Shqiptar, Më të mirët 2023”


Avni Ponari


CEO i “SIGAL UNIQA GROUP AUSTRIA”

Emri i kompanisë: Sigal Uniqa Group Austria (Sigal Shqipëri, Sigal Kosovë, Sigal Maqedoni, Sigal Jetë, Fondi i Pensioneve Sigall)

Xhiro e biznesit 2022: 91 milion EURO

Ndryshimi në % 22/21: +13

Numri i punonjësve dhe agjentëve: 2100

Vendndodhja: Tiranë, Prishtinë, Shkup

Nëse do ta përfytyrojmë tregun e sigurimeve si një garë mund të themi se ajo është një garë pa surpriza, pa befasi, pa emocione. Për arsyen e thjeshtë se fituesi i kësaj gare në cdo fund të saj rezulton “Sigal Uniqa Group Austriak” dhe po ashtu, që në fillim të garës në cdo 1 janar të vitit pasardhës të gjitha “bastet” vendosen për të. Dhe kjo, sigurisht që e ka një shpjegim. Cdo gjë është rrjedhojë e një refleksi që ka stimuluar te të gjithë vëzhguesit dhe të interesuarit e këtij tregu fitimi i vazhdueshëm i garës, çdo vit, që kurse ajo është krijuar. Madje duke se “Sigal Uniqa Group Austria” nuk ka garë me të tjerët, por vetëm me veten. Duke përsosur vazhdimisht veprimtarinë e saj, duke shtuar vazhdimisht produkte në portofolin e saj të produkteve për konsumatorët e tregut të sigurimeve, duke shikuar mundësi, aty ku të tjerët nuk arrijnë të shikojnë.

Më shumë informacion mund të gjeni tek libri “Biznesi Shqiptar, Më të mirët 2023”


Mario Bracci


Administrator i Përgjithshëm i kompanisë “ANTEA CEMENT”

Xhiro e biznesit 2022: 96 milion EURO

Ndryshimi në % 22/21: +33

Numri i punonjësve: 188

Vendndodhja: Thumanë

Janë të shumtë personat, që telefonojnë në numrin tonë, me iluzionin se po flasin me përfaqësues të kompanisë së prodhimit të cimentos Antea Cement. Kërkesa e e tyre është e thjeshtë: duan sasi të caktuara cimentoje. Por kërkesa të tilla, që në kushte normale do të ngazëllenin këdo sepse janë një mundësi e mirë për të bërë ndërmjetësin në një kontratë, tek ne nuk ka asnjë emocion të tillë. Pasi ne e dijmë mirë se Antea Cement është një kompani që funksionon me kapacitet të plotë. Ne e dimë mirë se për Antea Cement kërkesat për produkt janë më të mëdha se sa ajo ka mundësi të plotësojë. Pra, ajo bën pjesë tek ai grupi me pak kompani, që e di që në fillim të vitit që të gjithë prodhimin e ka të shitur. Për Antea Cement tregu nuk ka surpriza, nuk ka improvizime, nuk sjell ndonjë vështirësi, që ajo nuk mund ta përballojë. Antea Cement nga viti në vit e ka situatën nën kontroll, cka do të thotë se performancat e saj vetëm sa përmirësohen.

Më shumë informacion mund të gjeni tek libri “Biznesi Shqiptar, Më të mirët 2023”


Maltin Korkuti


Drejtor i Përgjithshëm i “Credins Bank”

Xhiro e biznesit 2022: 100 milionë EURO

Ndryshimi në % 22/21: +8

Numri i punonjësve: 1038

Zyrat qëndrore: Tiranë

Ecuria e bankës Credins përgjatë 2022 ka qenë mjaft pozitive në shumë tregues financiar. Si një bankë që vazhdon të këtë pozita solide në treg dhe si banka e dytë më e madhe në total asetesh dhe depozitash, banka Credins është përballur me sukses me sfidat ekonomike lokale dhe ato globale.
Tregu bankar shqiptar, edhe pse në vitin 2022 ka qenë sfidues për industrinë bankare, ka vijuar të rritet me (5% në total asete dhe 7% në kredidhënie). Market share ishte 15.9% në total asete dhe 16.86% në total llogaritë e klientëve duke mbajtur në këtë mënyrë ritmin e rritjes së tregut.

Më shumë informacion mund të gjeni tek libri “Biznesi Shqiptar, Më të mirët 2023”


Luan Muça


Founder & CEO DELTA GROUP

Emri i kompanisë: Delta Group

Xhiro e biznesit 2022: 153 milionë EUR

Numri i punonjësve: 1450

Zyrat qëndrore: Tiranë

Kur Luan Muca futi pllakat e para në një dyqan të vogël në Elbasan, ai e dinte se po hidhte hapat e para të një udhëtimi të gjatë. Jo të një udhëtimi rreth e qark botës, nga ai, që shumë njerëz e kanë si qëllim në vetëvete për të parë vende të ndryshme, për të njohur kultura të ndryshme. Por një udhëtim në botën e bukur, por edhe të vështirë të biznesit. E dinte që ky udhëtim do zgjaste në kohë, e dinte që do kishte sfida, pengesa e vështirësi, të cilat do të duhej ti kalonte. Por sado largpamës të ketë qenë Luan Muca, sado i qartë të ketë qenë për atë cfarë do të bënte, sado të kristalizuar të kishte objektivat dhe strategjinë e veprimit, vështirë të besohet se ai kishte kalkuluar se pas 25-26 vitesh do të arrinte këtë stad ku ka arritur faktikisht. Pasi realiteti që ka krijuar e tejkalon edhe endrrën më të cmendur që të lejonte Shqipëria e viteve 1996-1997. Delta Group ndodhet sot në piedestalin më të lartë të biznesit shqiptar, duke qenë një nga grupet më të fuqishme. Dhe ky nuk është një përfundim i egzagjeruar dhe euforik, por ajo cfarë tregojnë edhe shifrat.

Më shumë informacion mund të gjeni tek libri “Biznesi Shqiptar, Më të mirët 2023”


Vasil Naçi


President & CEO i AGNA Group (AGNA sh.a, ALFA sh.a, ALBARTEX, AGNA Kosovë, International Alfa Contruction etj)

Emri i kompanisë: AGNA Group

Xhiro e biznesit 2022: 300 milion EUR

Ndryshimi në % 22/21: +8

Numri i punonjësve: 1500

Vendndodhja: Tiranë

Diplomuar për Financë në Universitetin Bujqësor të Tiranës (1991) dhe Master në Administrim Biznesi (MBA) në Universitetin e New York-ut në Pragë (2007).
Vasil Naçi është një ndër figurat me ndikim të thellë në shoqërinë shqiptare dhe në botën e biznesit. Me 32 vite përvojë në industri dhe me një pasion të pashoq për suksesin, ai është themeluesi dhe CEO i Agna Group, kompani e cila është sot lider në sektorin e FMCG në Shqipëri. Më shumë se 1,500 persona janë të punësuar prej kompanive pjesë të portofolit të investimeve të tij.
Përveç karrierës së pasur në sipërmarrje, Vasil Naçi është themelues i “Agna Leadership Academy,” një platfor më e cila synon të shpërndajë njohuri dhe mësime në fushën e lidershipit, menaxhimit, komunikimit, dhe shumë fusha të tjera të biznesit.

Më shumë informacion mund të gjeni tek libri “Biznesi Shqiptar, Më të mirët 2023”