Uncategorized

President i kompanisë “Grand Blue Fafa” dhe “Fafa Premium”
Xhiro e biznesit 2021: 5 milionë euro
Numri i punonjësve: 300
Vendndodhja: Durrës

Fatos Cerenishti ka qenë dhe mbetet një nga biznesmenët më të suksesshëm shqiptar në sektorin e turizmit. Ky nuk është një konkluzion i stimuluar nga ndonjë dëshirë e mirë apo dashamirësi karshi tij, por një realitet që konfirmohet nëpërmjet disa treguesve. Së pari, ai është biznesmeni që ka kapacitetin hotelier më të madh në Shqipëri. 850 dhoma, aq sa ka “Grand Blue Fafa” dhe “Premium Fafa” nuk ka asnjë strukturë tjetër hoteliere, jo vetëm në bregdet, por në të gjithë territorin shqiptar. Dhe ky kapacitet hotelier i FAFA-s vetëm sa shtohet në faza të ndryshme, si rrjedhojë e inkludimit në të edhe të disa ndërtesave, të mëparshme.

Më shumë informacion mund të gjeni tek libri “Biznesi Shqiptar, Më të mirët 2022”

Emri i kompanisë: “Soft & Solution”
Xhiro e biznesit 2021: 5.5 milion Euro
Numri i punonjësve: 50
Vendndodhja: Tiranë

Padyshim që teknologjia sot është një nga sektorët që formëson ekonominë globale, nxit ndryshimet dhe përcakton tendencat. Njëra nga industritë më të synuara dhe tërheqëse sa i takon rentabilitetit të lartë në të gjithë botën është ajo e informatikës. Pra industria e koncep- timit, ideimit, prodhimit dhe përshtatjes së zgjidhjeve softuerike nga platformat bazike deri tek zgjidhjet më të komplikuara ERP dhe CRM. Jo më kot kompanitë më të mëdha në botë renditen ato teknologjike si Microsoft, Apple, Amazon, Facebook, Google, Yahoo, Samsung, Alibaba etj. Jo më kot Billi Gates, Jeff Bezos, Mark Zukenberg, Lary Page etj renditen tek njerëzit më të pasur në botë. Ata kanë qenë edhe pionierët e inkubatorit më të madh të teknologjisë në botë Sillicon Valley në San Francisko të Kalifornisë.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 5.8 milionë euro
Ndryshimi në % 21/20: +30
Numri i punonjësve: 50
Vendndodhja: Tiranë

AK – Invest, shoqëri aksionere e regjistruar me vendim të Gjykatës Tiranë nr. 28915 në Janar 2003, me kapital te regjistruar aksionar ALL 1,018,896,487; licensuar nga Banka e Shqipërisë si Institucion Financiar JoBanke për ofrimin e shërbimeve financiare nëpërmjet agjentëve në të gjithë vendin. AK – INVEST sh.a është Institucion Financiar licensuar nga Banka e Shqipërisë me licencë nr. 7 datë 03.12.2003.

Prej vitit 2017 AK- Invest është aksioner në Bursën e Tiranës (ALSE).
Vendndodhja e shoqërisë:
-Zyra Qëndrore e vendosur në rrugën “Bard- hok Biba, objekti LID”, Tiranë
-8 Zyra me adrese sekondare,
-400 agjentë në të gjithë Shqipërinë.

Më shumë informacion mund të gjeni tek libri “Biznesi Shqiptar, Më të mirët 2022”

Administrator i Përgjithshëm i kompanisë “ALBANIAN HERB”
Xhiro e biznesit 2021: 7.2 milionë USD
Ndryshimi në % 21/20: +20
Numri i punonjësve: 60
Vendndodhja: Durrës

Sikur Kujtim Zëre të kishte ndjekur në mënyrë klasike karrierën e një nëpunësi të lartë të shtetit, ai do të ishte sot padyshim një pjesëtar i zakonshëm i komunitetit të pensionistëve. Dhe jo se do ishte ndonjë cudi e madhe apo që të ndodhte kjo propabiliteti ishte i vogël. Duke qenë arkitekt e duke punuar nëpër institucione të tilla si Instituti i Projektimeve, ndërmarrjet e tregtisë së jashtme dikur apo qoftë edhe si këshill- tar i kompanive të ndryshme të grumbullimit të bimëve mjekësore, ndodhja e dickaje të tillë ishte mëse normale. Ishte një “kurth” ku mund të binte cdokush. Mirëpo ja që nuk ndodhi. Dhe pikërisht pse nuk ndodhi, sot Kujtim Zëre e jeton jetën në një mënyrë active dhe intensive. Kështu, ndërsa shumica e atyre që sot kanë statusin e pensionistit rrijnë e vrasin mendjen si të shtyjnë ditën, Kujtim Zëres nuk i mjafton koha për punët e shumta që ka në krye të kompanisë “Albanian Herb”.

Më shumë informacion mund të gjeni tek libri “Biznesi Shqiptar, Më të mirët 2022”

Drejtori i Përgjithshëm i Kombinatit të Qeramikës, “KID-ALB”
Xhiro e biznesit 2021: 9 milionë euro
Ndryshimi në % 21/20: +25
Numri i punonjësve: 100
Vendndodhja: Maminas, Durrës

Pronari dhe drejtuesi i Kombinatit të Qeramikës, Kid-Alb, Asllan Baraj është pady- shim një biznesmen dhe njeri i suksesshëm. Dhe kur bëjmë këtë përcaktim nuk e themi atë në trajtë klisheje, sikurse përdoret rëndom dhe në mënyrë të paargumentuar në shumë raste kjo fjalë. Ndër mend na vjen fabrika e prodhimit të tullave, një vepër madhështore e skicuar, e filluar dhe e menaxhuar prej tij. E që përgjatë gjithë historisë së saj 13-14 vjecare ka siguruar dhe konsoliduar një rol prej protagonist absolut, një status lideri i sektorit, një aktivitet që ka njohur vetëm rritje dhe një kompani, që si pak kush në biznesin shqiptar ka dëshmuar fuqi konkuruese edhe në tregjet rajonale si ai i Kosovës, Maqedonisë apo Malit të Zi. Vula më e mirë e suksesit lidhet me aftësinë e kompanisë për të likujduar brenda afatit të përcaktuar kredinë e marrë nga sistemi bankar, duke u liruar prej detyrimeve dhe duke funksionuar në kushte më komode.

Më shumë informacion mund të gjeni tek libri “Biznesi Shqiptar, Më të mirët 2022”

Emri i kompanisë: SEWS Cabind Albania
Xhiro e biznesit 2021: 10 milionë euro
Numri i punonjësve: 610
Vendndodhja: Tiranë

Për një vend me nivel jo të lartë zhvillimi, e me probleme ekonomiko-sociale sikundër është Shqipëria, investimet e huaja në përgjithësi e sidomos ato direktet janë një ilac i mirë për ti reduktuar këto probleme. Në këtë kup- tim, cdo investim i huaj pavarësisht llojit e shumës së investuar që realizohet në Shqipëri është mëse i mirëpritur. Por sidomos investimet e huaja direkte. Në fundin e vitit 2019 grupi Sumitomo Elektrik Group hyri në Shqipëri nëpërmjet krijimit të kompanisë SEWS Cabind Albania. Viti 2020 ishte vit i ngritjes së plotë të kompanisë dhe i një aktiviteti në kushte të reduktuara si rrjedhojë e pandemisë së Covid 19 që pushtoi botën. Por funksionimin e plotë kompania e fitoi gjatë vitit 2021, kur mund të thuhet se realizoi një aktivitet normal, brenda pritshmërive, por jo brenda objektivave e qëllimeve që ajo ka. Gjatë vitit 2021, kompania Sews Cabind Albania realizoi një aktivitet prej afro 10 milionë eurosh.

Më shumë informacion mund të gjeni tek libri “Biznesi Shqiptar, Më të mirët 2022”

Administrator i kompanisë “REMAL”
Xhiro e biznesit 2021: 11 milion Euro
Ndryshimi në % 21/20: +40
Numri i punonjësve: 1034
Vendndodhja: Bathore, Tiranë

Pavarësisht se edhe viti 2021 ishte një vit pandemie, i cili ofroi më shumë vështirësi pikërisht për kompani me përqëndrim punonjësish, “Remal” sh.p.k arriti të regjistrojë një vit të mirë në përgjithësi. Madje shumë më të mirë edhe se viti 2020, që për hir të së vërtetës duhet thënë që ishte viti i efektit maksimal negative të pandemisë së Covid 19. Se sa e mirë ka qenë performimi i Remal-it, më mirë sa sa fjalët përshkruese e tregojnë statistikat. Kështu, xhiro e kompanisë arriti në 1.3 miliardë nga 870 milionë lekë që ishte një vit më parë. Pra një rritje me afro 40 për qind. Pavarësisht se kjo rritje erdhi si pasojë e shtimit të kontratave, por edhe të cmi- meve të reja të imponuara e të rishikuara, sërish ajo nuk është aq shumë e aftë për të shpjeguar përimirësimin e aktivitetit të kompanisë krahasuar me një vit më parë. Ajo që e dëshmon më mirë këtë është treguesi i fitimit të kompanisë. I cili për vitin 2021 ishte 156 milionë lekë para fitimit, që i krahasuar me atë të vitit paraardhës-38 milionë lekë njeh një rritje prej pothuajse 400 për qind.

Më shumë informacion mund të gjeni tek libri “Biznesi Shqiptar, Më të mirët 2022”

Drejtor i Përgjithshëm i kompanisë “Uji i Ftohtë Tepelenë”
Xhiro e biznesit 2021: 11 milionë euro
Ndryshimi në % 21/20: +20
Numri i punonjësve: 80
Vendndodhja: Tepelenë

Efektet e Pandemisë, ndjekur nga ato të krizës në Ukrainë me ndërprerjen e zinx- hirëve të furnizimit dhe rritjen e çmimeve kanë bërë që bizneset në Shqipëri të marrin masa drejt qendrueshmërisë, garantimit të eksporteve, mbështetjen ndaj konsumatorëve dhe ruajtjes së vendeve të punës.
Në masat e planifikuara për rezultate afatgjata përballë efekteve të pashmangshme, disa biznese të konsoliduara në Shqipëri kanë mundur t’ja dalin që t’i rezistojnë presioneve ndërsa kanë vijuar përtej vështirësive linjën e nismave inovatore.
Laurentiu Hutanu, Drejtor i Përgjithshëm i “Uji i Ftohtë Tepelenë” pohon se viti 2021 dhe 2022 kanë qenë sfidues por në të njëjtën kohë, kompania i’a ka dalë që të ruajë qendrueshmërinë dhe t’i rezistojë presioneve duke ndjekur një model të kujdesshëm me rezultate pozitive rritjeje.

Më shumë informacion mund të gjeni tek libri “Biznesi Shqiptar, Më të mirët 2022”

Emri i kompanisë: “LUFRA” sh.p.k
Xhiro e biznesit 2021: 12 milionë euro
Numri i punonjësve: 265
Vendndodhja: Lushnjë

Dikur Arben Ndreka të pyetej nëse kishte parashikuar që kompania Lufra do shkonte pas 29 viteve kaq larg sa ka shkuar, me siguri që do ti jepte kësaj pyetjeje një përgjigje negative. Jo sepse ai nuk ka patur një vizion të caktuar për këtë punë. Jo se ai nuk ka dëshmuar për intuitë biznesi, përderisa bën pjesë tek pio- nierët e biznesit shqiptar. Jo se ai nuk e ka ditur që puna e madhe shpërblehet. Por stadi ku ka arritur Lufra, realiteti që ajo sot përfaqëson, përbëjnë dicka krejtësisht tjetër nga ajo që kishte fuqi e mundësi të përfytyronte Arben Ndreka, ato ditë të vështira të vitit 1992, kur iu desh të fillonte një punë private. Për të mbajtur veten e tij dhe familjen. Për të filluar një mënyrë të re jetese, në kushtet kur sistemi i dikurshëm u shkërmoq. Kur prona publike si toka fillojë të ndahej apo ti kthehej pronarit.

Më shumë informacion mund të gjeni tek libri “Biznesi Shqiptar, Më të mirët 2022”

Emri i kompanisë: ALBA SHOES GROUP & TNA
Xhiro e biznesit 2021: 12.2 mln EURO
Numri i punonjësve: 1100
Vendndodhja: Laç, Kamëz, Vlorë

Alba Shoes Group një kompani e fortë e me experiencë të gjatë tashmë le mbas krahëve më shumë se 29 vjet aktivitet, e karakterizuar nga një rritje konstante në kohë në investime e teknologji avanguardia, ka arritur të mbulojë një pjesë të mirë të merkatës kombëtare e ndërkombëtare, duke u prezantuar si nje partner i besueshëm e afatgjatë në sektorin e prodhimit të këpucëve. Një aventurë e cila pati fillimet e saj në 1993 në kohën e lulëzimit të kompanive të para private shqiptare, merite kjo e z. Nikolin Lleshi që me largpamësine e tij e këmbënguljen për arritjen e objektivave të vendosura duke e projektuar kompaninë drejt një të ardhmeje të sigurtë.
Alba Shoes Group ka një sipërfaqe prodhuese mbi 60.000 mq të ndare në 4 unitete në 4 qytete te ndryshme. Investimet e dy viteve të fundit në godinën qendrore në Lac i kalojnë 2.800.000 € dhe ky investim ka impakt pozitiv si në produktin final ashtu sikurse atë social, kushte më të mira pune për punonjësit e ambiente bashkekohore e multifunksionale.

Më shumë informacion mund të gjeni tek libri “Biznesi Shqiptar, Më të mirët 2022”