Asllan Baraj

Emri i kompanisë: KID ALB
Xhiro e biznesit 2019: 7 milionë euro
Numri i punonjësve: 100
Vendndodhja: Maminas, Durrës

Kur të dy aksionerët e fabrikës së tullave KID-ALB arritën në përfundimin se pas një historie suksesi 10 vjecare ishte mirë që të ndaheshin, ky proces u bë me mirëkuptim të plotë. “ Kjo fabrikë të takon ty”-i tha Ylli Braka aksionerit tjetër, Asllan Baraj njëkohësisht edhe dajë i tij. Dhe kjo është një shprehje që sintetizon në pak fjalë të vërtetën e madhe lidhur me këtë fabrikë. Sepse që nga ideimi për ngritjen e saj, vendi ku do ndërtohej, teknologjia që do të përdorej, menaxhimi i përvitshëm i saj do të bëheshin nga një staf me në krye “ustain” e kësaj pune, inxhinierin e njohur e me përvojë në industrinë e qeramikës, Asllan Baraj. Brenda një periudhe 10 vjecare, kompania në saj të suksesit të saj arriti të shlyejë kredinë e konsiderueshme të marrë në sistemin banker, për të nisur pastaj një rrugëtim të ri, por tashmë e cliruar nga ngarkesa mbi “kurriz”.

Me shume Informacion mund te gjeni tek libri “Biznesi Shqiptar, Me te miret 2020”

Nedrete Arapi

Emri i kompanisë: Nedrete Arapi (Elian-Export)
Xhiro e biznesit 2019: 8 milionë euro
Numri i punonjësve: 50
Vendndodhja: Lushnje

Kur Nedrete Arapi fillojë të dalë në tregun e Lushnjës duke shitur perime dhe fruta përditë ajo as që e kishte imagjinuar se mund të shkonte kaq larg sa ka shkuar. Duke kryer ritualin e përditshëm të blerjes dhe shitjes ajo realizonte së pari detyrën e saj si kujdestare e familjes, duke kontribuar në mirëqënien e saj. Por gjithashtu, duke dalë cdo ditë në treg, në kohë të mirë e të keqe, duke qenë mirë me shëndet, por edhe e sëmurë ajo vazhdonte të bënte atë punë që kishte bërë gjithë jetën e saj. Vecse, ndryshe nga vitet e shkuara, kur ishte e detyruar ta bënte punën e fermerit kundrejt shpërblimeve qesharake që ofronte sistemi i atëhershëm, tani ajo e ushtronte “profesionin” e saj në kushte lirie dhe ekonomie tregu. Cka e gëzonte pa masë. E motivonte së tepërmi. Dhe thonë se njeriu është apo bëhet ai për të cilën shpenzon kohën më të madhe të ditës. Neta Arapi, ndryshe nga gratë klasike nuk humbiste kohën me thashatheme argëtuese. Ajo nuk kishte kohë për të bërë shopping nëpër qendra tregtare apo boutique. Nuk gjent gëzim të merrej me këto gjëra.E gjithë energjia e saj shpenzohej në blerje dhe shitje produktesh të ndryshme bujqësore. Dhe nëse e ushtron një punë në mënyrë sistematike, nuk ka asnjë mundësi që përgjatë veprimtarisë tënde të të mos shfaqen shanse, të cilat do të sjellin më pas transformimin sasior dhe cilësor. Kështu ndodhi edhe me Neta Arapin.

Me shume Informacion mund te gjeni tek libri “Biznesi Shqiptar, Me te miret 2020”

Fatos Cerenishti

Emri i kompanisë: “Grand Blue Fafa” dhe “Fafa Premium”
Xhiro e biznesit 2019: 8 milionë euro
Numri i punonjësve: 550
Vendndodhja: Durrës

Duke shfrytëzuar background-in e tij si biznesmen ndërtimi, Fatos Cerenishti nuk e bëri të gjatë, por ndërtoi një kompleks turistik në Qerret të Kavajës ose sic njihet tani Fafa-n e vogël me rreth 200 dhoma gjithsej. Kurse ambicien e tij e plotësoi përfundimisht, kur në Golem bëri të mundur ngritjen e një resorti gjigand, më të madhin tani për tani në Shqipëri: “ Grand Blue Fafa”-n. Një resort ky me mbi 600 dhoma e që ka pak më shumë se tre sezone që operon në mënyrë shumë të suksesshme. Sezonin e kaluar, të dy resortet Fafa funksionuan në kapacitetin e tyre të plotë. Turistë të ndryshëm nga vende të huaja, polakë, cekë, suedezë shijuan kushtet shumë të mira të ofruara nga ky resort dhe u larguan prej tij mjaft të kënaqur. i kënaqur duhet të ndihet edhe Fatos Cerenishti.

Me shume Informacion mund te gjeni tek libri “Biznesi Shqiptar, Me te miret 2020”

Adrian Aliko

Emri i kompanisë: KA TRADING
Xhiro e biznesit 2019: 8.5 milionë euro
Numri i punonjësve: 55
Vendndodhja: Vlorë

Në adresë të pronarit dhe Drejtorit të Përgjithshëm të kompanisë “Ka-Trading” ka ardhur së fundmi një ofertë. Një kompani e mirënjohur italiane, e sektorit ku operon edhe kompania shqiptare, propozon të blejë mazhorancën e aksioneve, duke pretenduar që ta ngrejë kompaninë në një nivel tjetër. Sigurisht që është nga ato oferta që e trazojnë situatën, që e bëjnë regjizorin aktual të kompanisë të meditojë vazhdimisht mbi vendimin që duhet të marrë. Dhe askush më mirë se sa ai nuk mund ta dijë drejtimin që duhet të marrë në këtë udhëkryq. Mirëpo, pavarësisht përgjigjes së tij, pavarësisht nëse ai do të shqiptojë po-në ose jo-në karshi kësaj oferte, ajo cfarë nxjerr në pah kjo histori është fakti se “Ka Trading” është një kompani që vlen. Dhe vlen shumë. Ardian Aliko nuk ka nëvojë që të kthejë kokën pas e të “udhëtojë” me kujtesën e tij në rrugën që ka përshkuar përgjatë këtyre 12 viteve, që nga themelimi e deri tani, me kompaninë e tij.

Me shume Informacion mund te gjeni tek libri “Biznesi Shqiptar, Me te miret 2020”

Isuf Begaj

Emri i kompanisë: “Erzeni”
Xhiro e biznesit 2019: 10 milionë euro
Ndryshimi në % 19/18: +17
Numri i punonjësve: 250
Vendndodhja: Samaticë, Berat

Kompania e përpunimit të qumështit “Erzeni” është një subject, perfomanca e së cilës përmirësohet nga viti në vit. Të paktën në tre vitet e fundit, aktiviteti i kompanisë njeh rritje me një ritem vjetor 15-20 për qind. Në vitin 2017 kompania regjistroi një aktivitet prej 810 milionë lekësh, në vitin 2018, afro 1.1 miliardë lekë, kurse në vitin 2019 rreth 1.25 miliardë lekë. Të njëjtën kurbë ka ndjekur edhe efektiviteti i kompanisë, i dëshmuar nëpërmjet fitimit të realizuar prej saj, tregues ky që ka ardhur në rritje të konsiderueshme. Një fakt tjetër i rëndësishëm është se aktiviteti i kompanisë në vitin e fundit është padyshim më i miri gjatë gjithë historisë së kësaj kompanie. Me një aktivitet të filluar në vitin 1992, atëhere kur sapo ishin ndarë tokat dhe kafshët e gjalla të ish-kooperativës, “Erzeni” lindi si një dëshirë e Isuf Begës për të bërë progres në rrethanat e reja të krijuara prej një sistemi të ri ekonomik, bazuar në inisiativën e lirë. Isuf Begës i pëlqen që të bëjë retrospektivë, ai i rikthehet me dëshirë kujtimeve të atyrë viteve tashmë të largëta, por është një rikthim prej të cilit sjell ndërmend rrugën e vështirë, por të suksesshme që ka përshkuar kompania që ka themeluar e drejton edhe sot e kësaj dite.

Me shume Informacion mund te gjeni tek libri “Biznesi Shqiptar, Me te miret 2020”

Lucas Nam

Emri i kompanisë: “Yura Corporation Albania”
Totali i investimit 2019: 10 milionë euro
Numri i punonjësve: 546
Vendndodhja: Fier

Një nga ligjet kryesore të marketingut është të qënit i pari në një treg, cka siguron një avantazh për atë që ia arrin. “Uji i Ftohtë Tepelena” është prokompania e parë e prodhimit të ujit ambalazuar dhe që nga momenti i krijimit e deri më sot, ajo ka arritur të jetë edhe kompania lider e sektorit të saj. Në një garë të ashpër, pjesë e së cilës janë dhjetra subjekte e kompani, në një treg që ka një problematikë të theksuar, ku më kryesori është informaliteti, “Uji i Ftohtë Tepelena” vazhdon të ketë statusin e një prej protagonistëve kryesorë të tij edhe për vitin 2019. Për një vend me nivel jo të lartë zhvillimi, me probleme ekonomiko-sociale sikundër është Shqipëria, investimet e huaja në përgjithësi e sidomos ato direktet janë një ilac i mirë për ti reduktuar këto probleme. Sipas të dhënave zyrtare, gjatë vitit 2019, sasia e investimeve të huaja në Shqipëri ishte afro 1 miliardë euro. Mirëpo, nëse do të zgjidhnim njërin prej këtyre investimeve, si shëmbull për të treguar se për cfarë lloj investimesh ka nevoja Shqiëria, ajo është fabrika për prodhimin e pajisjeve kabllore për automjetet në Fier. E ndërtuar nga kompania koreane “Yura Coorporation” me vlerën e afro 10 milionë eurove, kjo fabrikë ndoshta nuk ka ndonjë peshë të përfillshme në raport me totalin e investimeve të huaja të konkretizuara gjatë vitit 2019. Mirëpo roli dhe rëndësia e këtij investimi është e madhe. Sepse bëhet fjalë për një fabrikë të lokalizuar në zonën e Fierit, prej së cilës, vetëm gjatë fazës së parë të aktivitetit të saj janë punësuar 546 vetë. Dhe kur dihet që papunësia është një plagë, akoma e madhe sociale, atëhere ky impakt social i kompanisë është për tu vlerësuar së tepërmi.

Me shume Informacion mund te gjeni tek libri “Biznesi Shqiptar, Me te miret 2020”

Luciano Cirillo

Emri i kompanisë: Uji i Ftohtë Tepelenë
Xhiro e biznesit 2019: 10.5 milionë euro
Ndryshimi në % 19/18: +13
Numri i punonjësve: 73
Vendndodhja: Tepelenë

Një nga ligjet kryesore të marketingut është të qënit i pari në një treg, cka siguron një avantazh për atë që ia arrin. “Uji i Ftohtë Tepelena” është prokompania e parë e prodhimit të ujit ambalazuar dhe që nga momenti i krijimit e deri më sot, ajo ka arritur të jetë edhe kompania lider e sektorit të saj. Në një garë të ashpër, pjesë e së cilës janë dhjetra subjekte e kompani, në një treg që ka një problematikë të theksuar, ku më kryesori është informaliteti, “Uji i Ftohtë Tepelena” vazhdon të ketë statusin e një prej protagonistëve kryesorë të tij edhe për vitin 2019.

Me shume Informacion mund te gjeni tek libri “Biznesi Shqiptar, Me te miret 2020”

Arben Ndreka

Emri i kompanisë: “Lufra” sh.p.k.
Xhiro e biznesit 2019: 11 milionë euro
Ndryshimi në % 19/18: +2
Numri i punonjësve: 241
Vendndodhja: Lushnje

Edhe pse kanë kaluar 28 vjet, Arben Ndreka i mban mend mirë, njësoj sikur të kishte ndodhur dje, rrethanat që e “detyruan” të futet në biznesin e përpunimit të qumeshtit. Disa persona i kishin kërkuar si favor tju siguronte një sasi qumështi, mirëpo ata nuk iu përmbajtën fjalës, duke ia lënë në “derë” atë. Dhe dashje pa dashje, nevoja për ti gjetur vendin kësaj sasie qumështi, i shkrepi edhe idenë e një pune në vazhdimësi. Kështu filloi shkrimi i një prej historive më të suksesshme në sektorin e përpunimit të qumështit. Një histori e shkruar me pasion, me frymë e parime pune që kanë qenë edhe themeli mbi të cilin është ngritur ‘LUFRA’.

Me shume Informacion mund te gjeni tek libri “Biznesi Shqiptar, Me te miret 2020”

Ilir Xhani

Xhiro e biznesit 2019: 11 milionë euro
Ndryshimi në % 19/18: +18
Numri i punonjësve: 195
Vendndodhja: Durrës

Pasi mbushet një periudhë e caktuar në aktivitetin e një kompanie është mëse e natyrshme për themeluesin apo themeluesit e tij të bëhet një bilanc i caktuar. Sa përputhet realiteti actual i kompanisë me pritshmëritë “skicuara” në mëndjen e tyre? Ose ndryshe, në cfarë raporti ndodhet realiteti me vizionin atyre që e nisën këtë biznes? Administratori i Përgjithshëm i kompanisë I.XH.E.M, Ilir Xhani është shumë i prerë dhe i sinqertë në këtë pikë. Kompania e prodhimit të parafabrikateve që ai dhe vëllai i tij, Remi, themeluan në 2008, i ka tejkaluar ndjeshëm ato cfarë ata prisnin nga tregu shqiptar. Sepse edhe kur vendosën të ktheheshin nga Italia duke u kthyer në Shqipëri për të nisur biznesin këtu, ata e kishin vendosur “stekën” në lartësi modeste, por për ta kaluar në mënyrë të sigurtë. Nëse në Itali ishin shndërruar nga punonjës të sejtorit parafabrikat në imprenditorë po të këtij sektori, me qëllimin për të punuar për vete e jo për të tjerët, e njëjta logjikë i karakterizoi edhe në kthimin në atdhe.

Me shume Informacion mund te gjeni tek libri “Biznesi Shqiptar, Me te miret 2020”

Gentian Karaj

Emri i kompanisë: “Albanian Motor Company”
Xhiro e biznesit 2019: 12 milionë euro
Numri i punonjësve: 38
Vendndodhja: Tiranë

Kompania e tregtimit të makinave, Albanian Motor Company, e cila prej 15 vitesh merret me shitjen dhe servisin e Fordit në Shqipëri, e mbylli vitin 2019 me një rezultat fantastik. Arriti në nivelin e afro 12 milionë eurove xhiro biznesi, cka shënon një rezultat historik për kompaninë. Nuk është niveli më i lartë absolut i siguruar gjatë vitit 2019 në sektorin automotive sepse janë dy kompani të tjera që kanë nivel më të lartë xhiroje. Mirëpo këto kompani kanë object të shitjes së tyre makina premium, cmimi i të cilave është i lartë. Ndaj, për nga numri i makinave të shitura, duket se performancën më të mirë e ka patur “Albanian Motor Company”. Përgjatë vitit të shkuar ishin 589 makina të markës Ford që iu shtuan flotës së kompanive të ndryshme, publike apo private apo edhe individëve të ndryshëm.

Me shume Informacion mund te gjeni tek libri “Biznesi Shqiptar, Me te miret 2020”