Uncategorized

President i kompanisë ALBA SHOES GROUP

Emri i kompanisë: ALBA SHOES GROUP & TNA

Xhiro e biznesit 2022: 12.2 mln EURO

Numri i punonjësve: 1100

Vendndodhja: Laç, Kamëz, Vlorë

Sot komoditeti i këpucëve nuk është më një opsion. Këmbët ngarkohen cdo dite me një sasi të konsiderueshme stresi nga faktorë të jashtëm, mekanikë ose klimatikë duke shkaktuar probleme të mëtejshme fizike tek puntoret që rrezikojnë shëndetin e tyre. Dhe këtu, me shpirtin artizanal, por një sy gjithmonë drejt risive, teknikët dhe dizajnerët e Alba Shoes Group janë përpjekur me sukses të balancojnë kërkesat e sigurisë me nevojat e komoditetit për mirëqenie më të mirë të këmbës dhe në përgjithësi për siguri më të madhe ne pune. Perkushtimi kostant ndaj detajeve, përvojave te gjata te akumuluar ne vite, vëmendja në kërkimin e lëndëve të para më të mira na lejojnë të krijojmë e te prodhojme sot këpucë sigurie me cilësi të lartë.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i Kombinatit të Qeramikës, “KID-ALB”

Xhiro e biznesit 2022: 13 milionë euro

Ndryshimi në % 22/21: +40

Numri i punonjësve: 100

Vendndodhja: Maminas, Durrës

Viti 2022 ishte një vit që solli mjaft problematika për biznesin shqiptar. Pushtimi i Ukrainës bëri që cmimet e energjisë elektrikë të pësojnë një rritje shumë të fortë, cka solli një situatë të re për biznesin shqiptar në tërësi. Edhe për atë të prodhimit të tullave pa dyshim. Mirëpo cilësitë e kapitenëve të anijeve dalin në pah në det të trazuar. Dhe ajo që tregojnë numrat e kompanisë “Kid –Alb” është pikërisht një histori e shkëlqyer menaxhimi në rrethana tërësisht të reja. Të paprovuara më parë. Aktiviteti i kompanisë si volum u rrit në mbi 13 milionë euro, gjatë vitit 2022, nga 9 milionë euro që kishte qenë një vit më parë. Rritja pra është e ndjeshme, por sikurse është e kuptueshme, rritja e xhiros së kompanisë, përvec rritjes së sasisë së produktit të shitur, ka ardhur edhe si efekt i rritjes së cmimeve. Por pikërisht nevoja dhe detyrimi për të rritur cmimet si refleks i rritjeve të kostove ishte shqetësimi kryesori kompanisë. Si do të reflektohej kjo tek konsumatori ishte edhe pikëpyetja më e madhe.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i kompanisë “Uji i Ftohtë Tepelenë”

Xhiro e biznesit 2022: 13 milionë euro

Ndryshimi në % 22/21: +13.4

Numri i punonjësve: 80

Vendndodhja: Tepelenë

Rritje progresive dhe e vazhdueshme, me performance pozitive si në frontin e biznesit vendas ashtu edhe në atë të eksportit”.
Prezanton Laurentiu Hutanu, drejtor i përgjithshëm i Uji i Ftohtë Tepelenës, i cili bën një bilanc të vitit 2022, përmes numrave që lidhen me vëllimet e shitjeve.
“Kemi arritur +8,3% krahasuar me volumin e një viti më parë (2021) dhe +13,4% në të ardhurat bruto nga shitjet: një impuls i fortë tregtar që na bën të shikojmë të ardhmen me shumë pozitivitet”.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: Concord Investiment

Të ardhurat bruto 2022: 16 milionë euro

Numri i punonjësve: 19

Vendndodhja: Tiranë

Grupi “Concord Investment” nëpërmjet Kompanisë së saj të Ndërtimit “EDIL AL”, në pothuajse të gjitha kantieret kudo në Shqipëri, nuk e ka ndalur ritmin e punimeve përpos kësaj periudhe të vështirë. Aq më tepër në “San Pietro” Resort, në Gjirin e Lalzit ku ndodhet edhe Hoteli “MELIA”, si një nga investimet më strategjike të Kompanisë, e cila ka të bëj me një partner nga më njohurit në mbarë botën siç është Grupi “MELIA”.
Marrëveshja e partneritetit mes “Concord Investment” dhe një prej brand-eve më të mirënjohura botërore të turizmit “MELIA”, ndodh për herë të parë në Shqipëri. Kjo pasi për herë të parë një mega-strukturë e tillë hotelerie e kësaj natyre, po ndërtohet në bregdetin shqiptar. “MELIA” nuk është një emër i panjohur për mjedisin shqiptar, por risia që ky brand do të sjellë në Shqipëri, përkon me atë që ka munguar deri tani, pra sjelljen e turistëve të huaj nga po vetë operatori turistik ndërkombëtar.

Më shumë informacion mund të gjeni tek libri “Biznesi Shqiptar, Më të mirët 2023”

President i kompanisë ADG (“LUFRA” sh.p.k)

Të ardhurat Bruto 2022: 16 milionë euro

Ndryshimi në % 22/21 +30

Numri i punonjësve: 265

Vendndodhja: Lushnje

Atë vit, tashmë të largët, kur Arben Ndrekës iu desh ti futej rrugës së biznesit në rrethana rastësore, ai mund të ketë ditur e mund të ketë patur vetëdije për mjaft gjëra. Psh mund të ketë patur vetëdijen se po i hynte një rruge, e cila do të mund ti siguronte status social dhe ekonomik për vete dhe familjen e tij. Mund të ketë llogaritur e parashikuar që po i hynte një rruge, të cilës mund tia dilte por edhe mund të dështonte. Mund të ketë ditur gjithashtu që po niste sipërmarrjen në një sektor të vështirë, sikurse ishte ai i përpunimit të qumështit, aq më tepër që në atë kohë situata në blegtorinë shqiptare ishte shumë e keqe. Mund të ketë ditur edhe plot gjëra të tjera Presindeti i “Lufra”-s. Por ajo që ai nuk besoj ta ketë patur të kristalizuar në atë kohë ka qenë pikërisht përfytyrimi i këtij stadi actual ku ka arritur kompania e tij. Parashikimi që “Lufra” do të kthehej pas 30 viteve në një prej kompanitë më të mira shqiptare në mjedisin e biznesit shqiptar.

Më shumë informacion mund të gjeni tek libri “Biznesi Shqiptar, Më të mirët 2023”

CEO i Bami Holding

Xhiro e biznesit 2022: 17 milionë euro

Ndryshimi në % 22/21: +22

Numri i punonjësve: 264

Vendndodhja: Tiranë

Ka si qëllim kryesor për të ofruar produkte dhe shërbime cilësore dhe të ruaj besnikërinë ndaj klientëve si autoritete publike, ashtu edhe ato private dhe të kryejë me përkushtim dhe kujdes çdo veprimtari punimesh që merr përsipër.
“BAMI HOLDING” sh.p.k është një shoqëri me eksperiencë mbi 20-vjeçare për ndërtimin dhe asfaltimin e rrugëve në vend. Kjo shoqëri është themeluar si shoqëri me përgjegjësi të kufizuar në vitin 1999, me ortak të vetëm dhe administrator Z. Besnik Bami. Fillimisht ka ushtruar veprimtarinë e saj në Rrethin e Krujës. Objekt i veprimatarisë së saj konsistonte vetëm në: Tregtim të mallrave industriale, ushqimore, materiale ndërtimi me shumicë dhe pakicë.

Më shumë informacion mund të gjeni tek libri “Biznesi Shqiptar, Më të mirët 2023”

President i kompanisë “Lajthiza Invest”

Xhiro e biznesit 2022: 21 milion EURO

Ndryshimi në % 22/21: +20

Numri i punonjësve: 385

Vendndodhja: Pukë

Të ulur rreth një tryeze, Presidenti i kompanisë “Lajthiza Invest”, Hajri Elezi, bashkëshortja e tij dhe unë bisedonim rreth ecurisë së kompanisë, problematikave të biznesit të ujit, objektivave dhe realizimit të tyre, planet afatshkurtra dhe afatgjata të kompanisë etj. Presidenti Elezi na “bombardoi” me planet e tij, të cilat të krijonin idenë që vizioni i tij për Lajthizën nuk ishte përmbushur ndoshta as në masën 50 për qind. Dhe në një moment të caktuar ndërhyn bashkëshortja e tij dhe i kujton që është 55 vjec. I njohur për sensing e tij të zhvilluar të humorit, Hajriu përgjigjet duke thënë se “do më lërë aq kohë Zoti, sat ë realizoj planet që kam”. Jo pa qëllim i referohem këtij bashkëbisedimi. Sepse ai tregon qartë dimensionin e vecantë që ka një biznesmen profesionist. Ai tregon qartë dallimet mes botëkuptimit të një biznesmeni profesionist dhe qytetarëve të zakonshëm. Sepse biznesmenë profesionistë e vizionarë si Hajri Elezi shohin hapa, etapa e faza të zhvillimit të biznesit, aty ku qytetari e zakonshëm mendon se nuk ka më asnjë hapësirë për zhvillim të mëtejshëm.

Më shumë informacion mund të gjeni tek libri “Biznesi Shqiptar, Më të mirët 2023”

President i “GECI” Group

Emri i kompanisë: “GECI Group”

Xhiro e biznesit 2022: 21 milionë EURO

Numri i punonjësve: 300

Vendndodhja: Tiranë

Ndërsa bisedonim para disa vitesh rreth problematikës së biznesit shqiptar, Ram Geci thotë në një moment, teksa thithte cigaren e tij të radhës: unë kam vetëm një problem dhe hall, paratë në bankë, që nuk po di ku ti investoj. Duke e ditur sensin e tij të hollë të humorit i them se halle të tilla pacin të gjithë. Por biznesmeni mu kthye sërish duke më thënë se unë mund të tallem gjithë ditën, por që ai e përjetonte realisht si hall faktin që një sasi e konsiderueshme e parave të tij “flinin” në banka. Atëhere u bëra serioz dhe unë dhe i propozova që të hynte në ankandet që organizonin banka të ndryshme për shitjen e kolateraleve të kredimarrësve që nuk arrinin të kthenin dot kredinë. “Bankat nuk kanë prona që vlejnë”, më tha ai.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i Përgjithshëm i kompanisë “Maccaferri Balkans”

Xhiro e biznesit 2022: 23 milionë euro

Ndryshimi në % 22/21: +50

Numri i punonjësve: 160

Vendndodhja: Durrës

Nëse ndodhesh për një takim pune me Administratorin e Përgjithshëm të “Maccaferri Balkans”, Robert Masha në kompaninë që ai drejton, e ke të pamundur ti shpëtosh ftesës së tij për të bërë një vizitë në ambientet e saj. Dhe është një ftesë mëse e përligjur nga ana e tij. Është një ftesë e vlefshme. Sepse nëpërmjet një guide në ambientet e kompanisë, ti bëhesh dëshmitar i një kapërcimi të madh sasior dhe cilësor që ka pësuar “Maccaferri Balkans”, kompania që operon që prej 14 vitesh në Shqipëri. E zhvendosur tashmë në ambientet e reja në Xhafzotaj të Durrësit dhe si rezultat i investimeve të rëndësishme të kryera gjatë vitit 2022, prej më shumë se 4 milionë euro, “Maccaferri Balkans” tashmë ka rritur përmasat e tij. E ushtron aktivitetin në një territor prej 40 mijë metra katror, ku vetëm sipërfaqja e fabrikës është 15 mijë metra katror. Dhe ajo që është më e rëndësishmja, numri i linjave industriale është rritur nga 4 që ishin më parë në 12, duke shtuar kështu gamën e produkteve që prodhon dhe eksporton kjo kompani.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: B.M Group

Xhiro e biznesit 2022: 24 milion EURO

Numri i punonjësve: 200

Vendndodhja: Koplik

Kompania B.M e nisi aktivitetin e saj në vitin 2004 në Koplik, si një kompani me natyrë biznesi dustribucionin dhe tregtimin e produkteve shumë cilësore në tregun shqiptar. Përgjatë 20 viteve ajo është shndërruar në një kompani të madhe e të suksesshme duke njohur cdo vit performanca impresionuese. Gjatë vitit 2022 shënoi ndoshta më të mirën në karrierën e saj. Me xhiro biznesi mbi 2.8 miliardë lekë e me një fitim prej afro 800 milionë lekë B.M arriti të renditet ndër kompanitë kryeore të biznesit shqiptar. Por në rrugën e saj të biznesit B.M ia ka dalë të shndërrohet në një grup të mirëfilltë. Ndryshe nga të tjerët, që janë bërë të tillë nëpërmjet diversifikimit të aktiviteteve, B.M ka marrë përmasat e grupit nëpërmjet zgjerimit të aktivitetit të saj në territore e shtete të tjera si në Kosovë, Maqedoninë e Veriut, Serbi, Slloveni, Greqi, UK, USA, Itali etj. Pra duke distrubuar e tregtuar produkte të cilësosë premium. Dhe ja cilat janë disa nga këto produkte.

Më shumë informacion mund të gjeni tek libri “Biznesi Shqiptar, Më të mirët 2023”