Uncategorized

Emri i kompanisë: Alb Steel dhe Pap Metal
Xhiro e biznesit 2021: 22.5 milionë euro
Numri i punonjësve: 67
Vendndodhja: Durrës

Kompania e prodhimit të profileve të celikut, “Albsteel” është një kompani që akoma nuk e ka gjetur “rehatinë” përfundimtare. Kjo sepse, ajo vazhdon zhvillimin e pandërprerë nëpërmjet investimeve të ndryshme që drejtuesit dhe ekipi menaxhues i saj projektojnë, aprovojnë dhe zbatojnë në kohë të ndryshme. Cdo vit ta vizitosh këtë kompani, asnjëherë nuk do e gjesh atë sikurse e ke lënë gjatë vizitës paraardhëse. Pasi zhvillimet e saj, si rrjedhojë e investimeve të njëpasnjëshme janë të qenësishme. Investime këto që konsistojnë në zgjerimin e kapacitetit depozitues dhe prodhues të fabrikës si dhe në blerjen e makinerive shtesë për produkte të reja. Rreth 2.6 milionë euro ishte vlera e investimeve të reja të kompanisë vitin që shkoi investime këto të adresuara në teknologji. Së fundmi, “Albsteel” i shtoi shportës së produkteve të saj edhe atë më të riun, panelet sanduic. Një produkt ky që përdoret për zyra, ndërtime provizore, banjo, banesa, kioska etj. Një produkt ky që do ti japë edhe më shumë peshë në treg “Albsteel”, duke i zgjeruar ofertën përballë klientëve të saj.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 28 milionë EURO
Ndryshimi në % 21/20: +23
Numri i punonjësve: 367
Vendndodhja: Durrës

Kur Helidon Rruga filloi të shesë peshk nëpër disa tezga në Kavajë këtu e rreth 28 vite më parë, ky veprim nuk ishte thjesht një reagim në kushtet e reja të krijuara atë kohë. Por ishte më shumë se kaq. Ishte fillimi i fillimi i një rruge të gjatë biznesi. Ishte një ide, të cilën ai e bëri jetën e tij, për të cilën mendoi, ëndërroi e jetoi për të. Mendja, muskujt, nervat dhe cdo pjesë e trupit të tij ishin të mbushura me këtë ide. Kjo ishte receta e suksesit të tij, një sukses që është i materializuar tek kompania “Coral Fish”. Një kompani kjo, e cila zhvillohet e përmirësohet vazhdimisht. Një kompani kjo që i avancon treguesit e saj të performancës nga njëri vit në tjetrin. Me përjashtim të vitit 2020, kur si rezultat i pandemisë së Covid—19, ajo njohu një tkurrje të vogël të aktiviteti, cdo vit tjetër, rezultati i arritur prej saj ka qenë kurdoherë më i mirë se viti paraardhës.

Më shumë informacion mund të gjeni tek libri “Biznesi Shqiptar, Më të mirët 2022”

Emri i kompanisë: FPM Tutto Mobili, Best Seller, FPD, Devi
Xhiro e biznesit 2021: 32 milionë euro
Numri i punonjësve: 159
Vendndodhja: Tiranë

Ilir Linza është një biznesmen që sa herë pyetej për ecurinë e kompanive që bëjnë pjesë tek grupi i tij i biznesit përgjigjej disi me rezerva. “Jo aty ku duhej”, “mirë, por kishte mundësi për më mirë”-ishin disa nga përgjigjet që jepte ai, kur i duhej të karakterizonte perfomancën e grupit të tij. Statistikat në fakt kanë treguar një dinamikë të tillë aktiviteti ku gjithmonë pun aka ardhur duke u përmirësuar. Mirëpo me sa duket, Ilir Linza është një biznesmen që operon me prit- shmëri dhe standarte të larta, ndaj dhe nëpër vite të ndryshme demonstronte një farë “zhgënjimi”, pavarësisht se kompanitë e tij performonin mirë. Kurse për ecurinë gjatë vitit 2021, ai shprehet plot siguri e kënaqësi duke thënë se “ishte një vit shumë i mirë për të gjitha kompanitë e grupit. Për FPM, FPD-në, Best Seller-in dhe për Devi- n”. Dhe duket se ka të drejtë kur shfaqet i tillë. I gjithë grupi realizoi një volum aktiviteti në vlerën e 32 milionë eurove.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 32 milionë EURO
Ndryshimi në % 21/20: +25
Numri i punonjësve: 137
Vendndodhja: Tiranë

Albaelettrica, është e specializuar në tregtimin me shumicë e pakicë të mate- rialeve elektrike, civile, industriale, si dhe projektimin dhe instalimin e tyre që prej vitit 1993. Kjo shoqëri është e para që ka sjellë në tregun sh- qiptar gamën më të gjerë dhe cilësinë e produkteve bashkëkohore të njohura në tregun Evropian. Me një staf me kualifikim të lartë dhe të gatshëm në çdo kohë për t’iu përgjigjur nevojave të klientëve, individë apo biznese, Albaelettrica krenohet me menaxhimin e nivelit superior dhe me kujdesin deri në hollësitë më të vogla për përmbushjen e kërkesave të klientit; duke filluar që nga ideimi e konsulenca dhe deri tek projektimi e zbatimi duke ruajtur raportin më të mirë në treg midis cilësisë dhe çmimit.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 35 milionë euro
Ndryshimi në % 21/20: +20.4
Numri i punonjësve: 352
Vendndodhja: Tiranë

Ekipi ynë është i shkathët, i motivuar dhe i gatshëm për të dhënë gjithnjë e më shumë. Pas një viti si 2020-ta, që vërtetë ngriu tregjet ndërkombëtare, ne mbyllëm xhiron tonë të vitit 2021 me 35 milionë euro, + 20,4% krahasuar me një vit më parë, me një diferencë EBIT prej 19,1% në qarkullim falë një përmirësimi të mëtejshëm në performancë dhe një rritje në burimet njerëzore. Numra të pabesueshëm që na lejuan të vëmë në lëvizje muskujt në një moment shumë delikat dhe të sjellim në shtëpi objektivin prioritar për CCBS: rritje të vazhdueshme, të qëndrueshme dhe cilësore”.
Kështu Luca Busi, President i Coca-Cola Bottling Shqipëria që prodhon, shishe dhe zhvillon të gjitha produktet e The Coca Cola Company në Shqipëri komenton fotografinë ekonomiko-financiare të 2021-shit.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 37 milion EURO
Ndryshimi në % 21/20: +7
Numri i punonjësve: 120
Vendndodhja: Tiranë

Përqafojmë një të ardhme të shëndetshme! Motoja jonë është një premtim për pacientët tanë, të cilin ne e arrijmë duke siguruar bashkëpunim me kompani farmaceutike prestigjoze ndërkombëtare për tregun rajonal që në operojmë. Përpjekjet e një pune të palodhur shpërblehen dhe sot pasi 20 vitesh, “Delta Pharma Albania” është një faktor unik rajonal dhe renditet në një nga kompanitë më të sukseshme farmaceutike në tregun ballkanik. Rrugëtimi e kësaj kompanie nis më 2002-in. Falë punës dhe përkushtimit të themeluesit të saj, zotit Eduard Curraj, “Delta Pharma” ia doli të bëhej një prej distributorëve më të rëndësishëm farmaceutikë duke kontribuar edhe në revolucionarizimin e mëtejshëm të sektorit farmaceutik në Shqipëri.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 41 milion EURO Ndryshimi në % 21/20: +4.6
Numri i punonjësve: 429
Vendndodhja: Vrisera, Gjirokastër

Për kompaninë ELKA S.A viti 2021 ishte me ecuri relativisht të kënaqshme.
Themi relativisht të kënaqshme sepse ndër të gjithë treguesit ekonomiko-financiarë që tregojnë mbarëvajtjen e një kompanie gjatë vitit, vetëm ai i fitimit nuk njohu rritje. Kurse të gjithë të tjerët patën përmirësime të ndjeshme, duke bërë që ELKA S.A të vazhdojë trendin e saj të rritjes së vazhdueshme nga njëri vit në tjetrin. Pavarësisht edhe prej periudhave të vështira sikurse ishte pandemia e Covid 19. Qarkullimi në total i kompanisë për vitin 2021 ishte rreth 4.9 miliardë lekë pa TVSH, që e krahasuar me një vit më parë dëshmon për një rritje prej 4.63 për qind. Rritje pati si tregu i brendshëm, edhe eksporti. Kështu, nga tregu i brendshëm u sigurua një total shitjesh prej 4 miliardë lekë, me një rritje prej 3.8 për qind. Kurse nga eksporti u realizua një xhiro prej 781 milionë lekë, që e krahasuar me periudhën parardhëse përfaqëson një rritje prej 8.7 për qind.

Më shumë informacion mund të gjeni tek libri “Biznesi Shqiptar, Më të mirët 2022”

Xhiro e biznesit 2021: 50 milion EURO
Ndryshimi në % 21/20: +30
Numri i punonjësve: 280
Vendndodhja: Vorë, Tiranë

Për kompaninë “Agro blend”, viti 2021 ishte një vit gjatë së cilit ajo performoi në mënyrë shumë të mirë. Madje, aq të mirë sa me plot siguri mund të themi se rezultatet e arritura nga kjo kompani vitin e kaluar ishin më të mirat e arritura ndonjëherë. Në tregues sasiorë e cilësorë. Kështu, kompania regjistroi një volum të përgjithshëm aktiviteti në vlerë në nivelin e 50 milionë eurove. Krahasuar me vitin paraardhës rritja ishte më shumë se sa 40 për qind. Por ky tregues i përmirësuar. Që tregon për shtim të volumit të shitjeve të kompanisë, nuk do të kishte shumë vlerë, po qe se treguesi i fitimit do të ishte në vend numëro, apo për më tepër, i përkeqësuar. E vërteta është se edhe fitimi i kompanisë ka ndjekur trendin rritës, duke “kërcyer” në nivelin e 414 milionë lekëve, ndërkohë që një vit më parë ai ishte rreth 385 milionë lekë. Por ajo që është edhe më e rëndësishme ka të bëjë me totalin e tatimeve e të takave të paguara nga kompania gjatë vitit 2021, shumë kjo që gjithashtu ka ardhur në rritje.

Më shumë informacion mund të gjeni tek libri “Biznesi Shqiptar, Më të mirët 2022”