Month: October 2019

Xhiro e biznesit 2018: 9 milionë euro
Ndryshimi në % 18/17: +170
Numri i punonjësve: 195
Vendndodhja: Durrës

Çdo njeri e ka të pashmangshme që në një periudhë të caktuar kohe, të kthejë kokën pas për të shikuar dhe analizuar rrugën që ka përshkuar. Në varësi të rezultatit e konkluzionit lindin edhe ndjesitë përkatëse. Dy vëllezërit biznesmenë, Ilir dhe Muharrem Xhani, ortakë dhe bashkëdrejtues të kompanisë së prodhimeve parafabrikat I.XH.E.M sigurisht që nuk mund të bëjnë përjashtim nga kjo “ligjësi”. Por ata duhet të ndjehen të realizuar e të kënaqur për të paktën dy vendime të rëndësishme që kanë marrë në jetën e tyre. Janë nga ato vendime që kanë një impakt të madh, janë nga ato vendime që kanë trajtën e një investimi në jetën e njeriut. I pari lidhet me vitin 1991, vit kur Ilir Xhani vendosi të lerë Durrësin, për tu zhvendosur në Itali, kurse i vëllai do ti bashkohej disa vite më vonë. Zhvendosja në një vend të ri , ballafaqimi me një kulturë të re, me një sistem të ri ekonomik e me rregulla të reja i dha mundësinë Ilir Xhanit që të marrë “leksionet” e duhura në jetë për mënyrën si duhet kërkuar suksesi, si duhet projektuar e realizuar ai. Sepse i riu ambicioz nuk mund të pajtohej thjesht me jetën rutinore të një emigranti, por kërkonte të ndërtonte perspektiva të reja. Dhe atë ndryshim të rëndësishëm, atë metamorfozë të dëshiruar nga shumëkush, por të arritshme nga pakkush, ai e bëri realitet.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 9 milionë euro (vetem FPM)
Ndryshimi në % 18/17: +5
Numri i punonjësve: 159
Vendndodhja: Tiranë

FPM Tutto Mobil është një realitet i vecantë në biznesin shqiptar. Ndërsa aktorët e tjerë të biznesit i kanë shpenzuar energjitë e tyre konkuruese në përpjekje për të marrë një pjesë sa më të madhe të tregut të brendshëm, FPM ka ndjekur rrugën e kundërt. Ajo, që nga casti i krijimit të saj e deri më sot ka qenë dhe vazhdon të bëjë “luftën” e saj, betejat e përvitshme të saj vetëm në tregjet ndërkombëtare. Sepse e tillë është “gatuar” si kompani. E tillë është menaxhuar ndër vite. Të jetë e aftë që me cilësinë e produkteve të saj të cajë në tregjet e huaja. Vendet ku eksporton kjo kompani janë me dhjetra. Sigurisht, edhe kjo kompani has në konkurencë të fortë, por fakti që kjo konkurencë bëhet me më të mirët e kësaj fushe në rang rajonal dhe botëror do të thotë se kompania FPM ka standarte të tilla që as mund të krahasohen me simotrat e saj në Shqipëri. Fakti që produktet e saj shkojnë në vende të ndryshme të botës do të thotë se FPM ka fuqi konkuruese të lartë, ka atë fuqi konkuruese që rekomandohet teorikisht ta kenë edhe kompani të tjera në të gjithë sektorët e ekonomisë.

Me shume Informacion mund te gjeni tek libri “Biznesi Shqiptar, Me te miret 2019”

Emri i komanisë: Pelikan shpk
Xhiro e biznesit 2018: 10 milionë euro
Numri i punonjësve: 130
Vendndodhja: Durrës

Shoqëria Pelikan shpk është krijuar me 22 Mars 1995 nga Feruz Mataj, me aktivitet Shërbime Logjistike; Spedicion, Agjensi Detare, Transport kombëtar dhe ndërkombetar me mjetet e veta për të tretë, magazinazh, asistencë doganore etj. Që prej asaj kohe shoqëria ka patur synim kryesor mbylljen e cikleve të plota logjistike me cilësinë maksimale të mundshme për veprimtari të ndryshme importi dhe eksporti për llogari të klienteve te saj. Aktiviteti i shoqërisë është rritur dhe zhvilluar në vite. Si rrjedhojë shoqëria gjithmonë e më shumë i është përshtatur tregut duke ofruar cilësi në shërbime, shtuar flotën e mjeteve të transportit dhe mjeteve të rënda përpunuese, duke rritur cilësine e personelit e së fundmi ambjentet për magazinazh.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 10 milionë euro
Ndryshimi në % 18/17: +20
Numri i punonjësve: 88
Vendndodhja: Tepelenë

Shqipëria përjetonte një paradoks të vërtetë në vitet e para të ekonomisë së tregut. Ndërsa konsiderohej-dhe e tillë është në fakt- një vend i pasur me ujëra, thuajse e gjithë kërkesa konsumatore për uje mineral plotësohej nëpërmjet produkteve të importit. Kurse sot shndërrimi i pësuar është impresionues. Jo vetëm që nevojat e vendit plotësohen pothuaj vetëm nga produkti vendas, por disa prej tyre kanë filluar edhe të eksportojnë. E askush më mirë se sa kompania “Uji i Ftohtë Tepelenë” nuk mund të ilustrojë më mirë këtë realitet fantastik që ka ndodhur në këtë sektor. E krijuar si një investim i huaj nga familja Busi, në vitin 1998, pra pak vite pasi ata kjo familje e mirënjohur italiane kishte ngritur dhe kishte vënë në punë stabilimentin e “Coca-Cola”-s në Shqipëri, “Uji i Ftohtë Tepelenë” u bë kështu një ndër kompanitë e para të ambalazhimit e të tregtimit të ujërave. Dhe që nga castet e krijimit e në vazhdim, ajo ka mbajtur përherë skeptrin e kompanisë lider të këtij tregu. Shumë kompani të tjera kanë hyrë në këtë treg, shumë investime janë realizuar në të nga biznesmenë të ndryshëm, por “Uji i Ftohtë Tepelenë” ka patur një karakteristikë të admirueshme, pasi ka vazhduar në mënyrë sistematike rritjen nga njëri vit në tjetrin.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 10.5 milionë euro
Ndryshimi në % 18/17: +35
Numri i punonjësve: 241
Vendndodhja: Lushnje

Prej disa vitesh, në kuadër të Botimit tonë tradicional tashmë, “Biznesi Shqiptar: Më të Mirët”, ne kemi përzgjedhur si të tillë në sektorin e përpunimit të qumështit kompaninë “LUFRA”. Edhe përgjatë vitit 2018, sërish “LUFRA” është më e mira e tregut, në krahasim me simotrat e saj. Dhe ky është një konkluzion i thjeshtë për tu nxjerre, pasi atë na e lejon metodika e vlerësimit e përdorur prej nesh. Kështu, gjatë vitit 2018, Lufra shënoi një aktivitet në madhësinë e 1.3 miliardë lekëve ose afro 10.5 milionë euro. Askush nga subjektet e këtij sektori nuk ka këtë madhësi biznesi, e cila në vetëvete tregon më shumë qumësht i tërhequr nga fermerët, më shumë qumësht i përpunuar, më shumë nënprodukte të tij të prodhuara. Pra, për pasojë, më shumë prani në treg, më shumë aleancë me konsumatorin, më shumë pjesë nga tregu përkatës. Nëpërmjet treguesit të madhësisë së biznesit, kompania “LUFRA” ia del të futet në gjirin e kompanive më të mëdha shqiptare, ndonëse, në vendin e 220 të tyre.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: IUTECREDIT ALBANIA
Xhiro e biznesit 2018: 11 milion EURO
Numri i punonjësve: 100
Vendndodhja: Tiranë

IUTECREDIT ALBANIA filloi aktivitetin e dhenies se kredive kosumatore tek invidet ne 7 Prill 2015, pas marrjes se licences per ushtrim aktiviteti nga Banka e Shqiperise. Themeluesit, 2 shtetas Estoneze, e njihnin prej kohesh Shqiperine por vetem nga fillimi i vitit 2014 filluan te planifikonin hapjen e kompanise edhe ne Shqiperi pas suksesit ne Moldavi me te njejtin aktivitet. Me pas aktiviteti u shtri edhe ne Kosove, Maqedonine e Veriut dhe Bosnje Hercegovine. Me nje staf tashme prej mbi 100 vetash, ku mosha mesatare eshte 29 vjec, IUTECREDIT ALBANIA ka arritur te realizoje nje rritje te shpejte duke promovuar kredine me te shpejte dhe me komode per klientet. Sot, pervec Tiranes me 6 dege, IUTECREDIT ALBANIA eshte e pranishme ne qytetet; Durres, Fier, Vlore, Shkoder, Elbasan, Korce dhe Berat, duke u shndërruar kështu brenda një periudhe të shkurtër kohe në një nga institucionet financiare kryesore të vendit për mikrokreditë.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: ProDyn
Xhiro e biznesit 2018: EFA Solution dhe Prodyn Albania – 13 milion EURO
Numri i punonjësve: 800
Vendndodhja: Tiranë

Etleva Laron e kam takuar për herë të parë diku nga viti 2008 apo 2009, në kuadrin e përgatitjes së një shkrimi rreth grave të angazhuara në biznes. Atëhere ajo ishte administrator e kompanisë Hyundai Auto Albania dhe për një vajze të re, administrimi dhe menaxhimi i një kompanie të tregtimit të automjeteve të reja apo servisimit të tyre, sigurisht që ishte padyshim një histori e bukur. Më pas, ajo kaloi nëpër disa punë te tjera të nivelit të lartë të menaxhimit nëpër kompani të mirënjohura si Coca Cola, Procter&Gamble për pjesën e marketingut të cigareve të markës LM, në kompaninë slovene të shërbimit të internetit Primo Comunications etj. Ndërkohë Cv-ja profesionale e saj është e pasuruara edhe me disa poste të larta në disa kompani kosovare. Sigurisht, kur një vajzë të re, e mirë arsimuar, pajiset edhe me kaq eksperienca menaxhimi, atëhere është cështje kohe që ajo të bëjë kapërcimin cilësor, duke u kthyer nga një administratore apo menaxhere që punon për të tjerët, në një sipërmarrëse që punon për veten e saj.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 13 milionë euro
Ndryshimi në % 18/17: +23
Numri i punonjësve: 40
Vendndodhja: Durrës

Për këdo që i futet rrugës së biznesit, e rëndësishme është që të jetë i qartë për atë që do të bëjë e atë që di të bëjë. Plotësimi i këtyre dy “kushteve” është nga garanci për sukses të sigurtë. Grupi prodhues i metaleve, i përfaqësuar nga Pap Metal dhe Albsteel, ka krijuar një sukses sistematik përgjatë 20 viteve, që kur filloi aktiviteti i saj. Dhe duke qenë industri përpunuese dhe prodhuese, duke qenë aktivitet i komplikuar e i vështirë nga pikëpamja profesionale, vetë fillimi i këtij lloj biznesi ngjall habi. E njëkohësisht edhe admirim për sipërmarrësin, Proletar Hasani. Gjatë eksperiencës së tij të emigrimit në Greqi, shumë vite më parë, ai ra në kontakt me këtë lloj industrie, formoi bagazhin e duhur për mënyrën si funksiononte ky biznes, krijoi besimin në vetëvete, por edhe dëshirën për ta zhvilluar një të tillë në Shqipëri. Fakti që për 20 vite, kompanitë e drejtuara prej tij, kryesisht PapMetal, e tash dy vite edhe Albsteel, janë liderë të tregut përkatës tregon se ai ka bërë zgjedhjen e duhur. Fakti, që kompleksi prodhues i metaleve në Xhafzotaj, është një nga më të mëdhenjtë në Ballkan, vërteton saktësinë e vendimit të Proletar Hasanit për tu marrë me këtë lloj aktiviteti.

Me shume Informacion mund te gjeni tek libri “Biznesi Shqiptar, Me te miret 2019”