Month: October 2019

Emri i kompanisë: ALBA SHOES GROUP & TNA
Të ardhurat bruto 2018: 13.315.141 EURO
Numri i punonjësve: 1947
Vendndodhja: Lac, Kamëz, Vlorë, Çorovodë

Alba Shoes Group” qe nga 1993 eshte e njohur e afirmuar si shoqeri lider ne nivel Europian e Boteror ne prodhimin e kepuceve te sigureses e gjysem produkti i gatshem pjese kepucesh ne sektorin e modes dhe te femijeve, rreptesisht MADE IN ALBANIA, me paisje avanguardie e cilesi te larte prodhimi me adrese aktiviteti Tirane e me nje siperfaqe prodhuese mbi 60.000 mq, te ndare ne 4 unitete prodhuese ne 4 qytete te Shqiperise. Me nje interes dhe vemendje te vecante ALBA SHOES GROUP eshte ne gjendje te ofroje nje game te gjere produktesh te pershtatshem per cfaredo lloj nevoje e situate, kepuce pune e sigurese per ambjente te brendshme apo te jashtme, kepuce te perditshme e kepuce mode, kepuce sherbimi per forcat e rendit e forcat e armatosura e shume artikuj per sektore te vecante.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 14.5 milionë euro
Ndryshimi në % 18/17: +24
Numri i punonjësve: 281
Vendndodhja: Tiranë

Grupit ekonomik “Geci” me pronar dhe drejtues, biznesmenin e mirënjohur Ram Geci i kanë ecur mbrë punët gjatë 2018. Shifrat që sintetizojnë veprimtarinë ekonomike të një subjekti tregojnë se ky grup ishte një protagonist i sektorëve ku ai e ushtron veprimtarinë e tij: në infrastrukturë dhe hoteleri. Xhiro e realizuar nga Grupi ishte afro 14.5 milionë euro. Mund të mos duket një shifër biznesi që të detyrojë të të lërë me gojë hapur, por e tillë bëhet po qe se ajo krahasohet me veprimtarinë e Grupit, një vit më parë. Sepse rritja është mbi rreth 25 për qind. Me rezultatin e arritur gjatë vitit 2018, sa i takon xhiros, “Geci” rezultoi kompania e 171 më e madhe e Shqipërisë. Por ajo që është më e rëndësishme ka të bëjë me efektivitetin e kompanisë. Sepse në këtë tregues kompania paraqitet akoma më mirë. Janë rreth 284 milionë lekë fitim i siguruar nga ajo, ose një normë fitimi prej 14 për qind, cka e ekspozon aktivitetin e “Geci Group”, të konsoliduar, të balancuar e tepër të formalizuar. Krahasuar me një vit më parë, ky tregues i Geci-t është thuajse i dyfishuar, cka tregon për një përmirësim të efektivitetit të kompanisë.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: TEUTA DURRES
Të ardhurat bruto 2018: 14,5 milionë EURO
Numri i punonjësve: 130
Vendndodhja: Durrës

Kompania Teuta nisi aktivitetin e saj në vitin 1994 dhe operon në dy sektorë kryesor: paketim dhe shpërndarje te produkteve ushqimore. Aktiviteti i saj që në fillim ka qenë i fokusuar në fushën e import-eksportit, prodhimit dhe shpërndarjes së artikujve ushqimor, me bazë si orizi, sheqeri, mielli, fasule, niseshte, vaj i lulediellit,etj. Ne fillimet e viteve 90 per shkak te ndryshimeve ekonomike te kesaj periudhe shume ndermarje nuk i rezistuan dot situatave te reja te tregut , por fale drejtimit me integritet profesional nga ana e Eleni Babameto ne pozicionin e specialistes kimiste menaxhimi i punes vazhdonte normalisht. Udhehequr nga keto synime tashme drejtimi i kesaj kompanie private ishte besur Eleni Babameto nga investitoret e huaj. Me shume perpjekje dhe aftesi drejtuese Eleni arriti qe te rriste aksionet e saj gradualisht nga 10% fillestare deri 100% duke filluar nga viti 2009. Sot shoqeria TEUTA DURRES eshte 100% nje kompani shqiptare me te vetmit aksionere bashkeshortet Babameto me dy djemte e tyre.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: Miell Tirana
Xhiro e aktivitetit 2018: 16 milionë euro
Numri i punonjësve: 106
Vendndodhja: Tiranë

Shqipëria ka disa fabrika moderne të përpunimit të drithërave. Pavarësisht zërave të papërgjegjshëm që hasen herë pas here në media, ku, në emër gjoja të mbrojtjes së konsumatorit, bëhen “denoncime” rreth manovrave mashtruese karshi tyre ne produktin bazik të bukës, e sigurt është që kompanitë e përpunimit të drithërave janë tepër serioze. E tillë është edhe fabrika “Miell Tirana”. Me një aktivitet të filluar që në vitin 1995, si rezultat i privatizimit të ndërmarrjes Shtetërore të përpunimit të drithërave, ajo është një shembull i shkëlqyer i transformimit që mund ti bëjë një prone me një status të tillë sipërmarrja private. I perspektivës së re që sipërmarrësi privat i cel kompanisë në kushtet e inciativës së lirë. Si rezultat i investimeve të rëndësishme, të cilat sollën pajisjen e fabrikës me teknologjinë bashkëkohore zvicerane të markes BUHLER, “Miell Tirana” është kthyer në një lider i tregut përkatës. Dhe kjo ndodh prej disa vitesh, ndonëse sikurse thamë edhe më lart, tregu i përpunimit të drithërave ka edhe kompani të tjera serioze që konkurojnë fort. Megjithatë janë shifrat e performancës së “Miell Tirana” gjatë vitit 2018, ato që ia konfirmojnë sërish statusin e liderit të tregut asaj.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 16 milionë EURO
Ndryshimi në % 18/17: +5
Numri i punonjësve: 50
Vendndodhja: Tiranë

Viti 2018 ka qenë një vit shumë i vështirë e problematik për ato subjekte që e kanë të orientuar aktivitetin e tyre nga eksporti. Sepse, ndryshimi i kursit të këmbimit të Euros në raport me lekun i ekspozoi kompani të tilla përballë një konjukuture të re, por të pafavorshme. Ndërsa kontratat me partnerët e huaj ishin fiksuar në euro, pjesa më e madhe e shpenzimeve në vend bëhen në lekë. Dhe në kushtet kur Euro zhvleftësohet karshi lekut, atëhere është e qartë se kompanitë me natyrë eksportuese preken në rentabilitetin e tyre vetëm si pasojë e ndryshimit të kursit. Jashtë këtij ndikimi nuk kishte si të qëndronte edhe kompania e mirënjohur “Ama Recycling”. Megjithëse edhe asaj iu desh ta vunte këtë “ndryshim klime” biznesi, sërish, ia doli mbanë që të ruajë një performancë tëadmirueshme. Realioi një xhiro biznesi prej 2 miliardë lekë, duke patur afërsisht të njëjtin rezultat sa ai i një viti më parë. Po në të njëjtin nivel e pati edhe eksportin, pasi “Ama Recycling” është një kompani e cila të gjithë produktin e saj e ka për eksport. Dhe në renditjen e kompanive eksportuese më të mëdha ishte e 20-ta, cka tregon se kompania siguroi një performancë shumë të mirë.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 17 milionë EURO
Ndryshimi në % 18/17: 12%
Numri i punonjësve: 500
Vendndodhja: Durrës

Perpara 2- 3 viteve, “Koral Fish” zgjeroi kapacitetet përpunuese të saj, nëpërmjet stabilimentit që u ngrit në qytetin e Kavajës. Ky investim hapi një perspektivë të re punësimi për banorët e zonës, pasi oferta e punës ishte për qindra punonjës. Përvec kësaj, shtimi i kapaciteteve përpunuese të kompanisë “Koral Fish” krijoi mundësinë që kompania të rritej akoma më tepër nga njëri vit në tjettin. Për të arritur kulmin e saj, në vitin 2018, ku u regjistrua padyshim, performanca më e mirë e kompanisë në 25 vite të aktivitetit të saj. Kjo performancë është e konkretizuar të paktën në 4 tregues domethënës për veprimtarinë e një kompanie. Së pari, në xhiron e realizuar. Ajo që u shënua gjatë vitit 2018, ishte xhiro më e madhe e realizuar ndonjëherë nga kjo kompani. Një volum prej 2.1 miliardë leësh, ose afro 17 milionë euro nuk është arritur ndonjëherë prej saj dhe I krahasuar me vitin paraardhës, rritja ishte rreth 12 për qind. “Koral Fish” u rendit në vendin e 144 midis kompanive më të mëdha shqiptare.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 19 milionë EURO
Ndryshimi në % 18/17: +20
Numri i punonjësve: 210
Vendndodhja: Tiranë

“Alumil Albania” vazhdon të shkruajë kapituj të rinj suksesi. E themeluar në vitin 2004, si një fabrikë prodhuese dhe përfaqësuese e kompanisë së mirënjohur në Greqi, “Alumil” ajo ka shfaqur një sjellje dhe një performancë shumë të mirë në treg, pavarësisht ulje ngritjeve që ka patur vetë sektori i ndërtimit. I suksesshëm ishte edhe viti 2018 për këtë kompani. Me rreth 2.5 miliardë xhiro të realizuara, kompania u rendit në vendin e 110 midis kompanive më të mëdha të Shqipërisë. Ritmi i rritjes së saj krahasuar me një vit më parë ishte konsiderueshëm. Në krahasim me 2017, xhiroja e aktivitetit të kompanisë ishte 20 për qind më e lartë. Është e qartë pra se “Alumil Albania” vazhdon të ruajë statusin e kompanisë lider edhe për vitin e shqyrtuar, pasi sa i takon kompanive konkurente të saj, që kanë natyrë të përfaërt të aktivitetit me të, ato nuk krahasohen me performancën e Alumil-it.

Me shume Informacion mund te gjeni tek libri “Biznesi Shqiptar, Me te miret 2019”

Xhiro e biznesit 2018: 23 milion EURO
Ndryshimi në % 18/17: +5
Numri i punonjësve: 184
Vendndodhja: Vorë, Tiranë

S a herë shqyrtojmë të dhënat ekonomiko financiare të vitit, që mbyllet është e sigurtë që kompania AGRO BLEND do të jetë mes kompanive më të mira shqiptare nëpërmjet performancës që ajo ka realizuar.Kjo është bërë “rrugë nga kjo kompani, pasi, ajo që nga castet e krijimit të saj e deri më sot ka qenë e mbetet lider biznesi në sektorin ku operon. Kureshtja përqëndrohet në dy aspekte. Së pari tek dinamika e aktivitetit të kompanisë, pra nëse ajo ka siguruar rritje apo jo nga viti paraardhës dhe nëse po, në cfarë niveli?
Dhe së dyti, cfarë evenimentesh e kanë shoqëruar veprimtarinë e AGRO BLEND-it gjatë vitit që ne shqyrtojmë?
Sa i takon aspektit të parë, pra treguesve që tregojnë aktivitetin e kompanisë nga ana sasiore dhe cilësore, ajo sërish manifeston një performancë shumë të mirë. Me rreth 2.85 miliardë lekë aktivitet. AGRO BLEND renditet si kompani e 87 më e madhe shqiptare. Krahasuar me një vit më parë aktiviteti ka ardhur në rritje, ndonëse ky ritmi prej 5 për qind i rritjes është modest. Por më i rëndësishëm është treguesi i fitimit, ku kompania me rreth 160 milionë lekët fitim të siguruar rezulton në vendin e 138 ndër kompanitë më të suksesshme shqiptare. Po kështu edhe numri i punonjësve është rritur në 158 të tillë.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: “Classic Group”
Xhiro e biznesit 2018: 24 milion EURO
Numri i punonjësve: 60
Vendndodhja: Tiranë

Shqipëria përfaqëson një treg të vogël të automjeteve të reja të shitura. Për rrjedhojë, përfaqëson edhe një treg aspak joshës e bujar për kompanitë egzistuese që operojnë në të apo për ndonjë kompani tjetër që synon të krijohet e të veprojë në këtë treg. Pavarësisht se egzistojnë rreth 15 kompani, e pavarësisht se janë të përfaqësuara pothuaj të gjitha markat, e vërteta është se gara për pjesën më të madhe të tregut zhvillohet cdo vit kryesisht mes 4-5 kompanive. Njëra prej tyre, ajo që konkuron fort në këtë treg është “Classic Group”. Madje nuk teprohet aspak po të thuhet se gjatë vitit 2018 ai ka fituar edhe skeptrin e atij që ka performuar më mirë në sektorin e shitjes së automjeteve të reja, të servisit e të shitjes së aksesorëve. Cfarë e vërteton këtë? Pse ky konkluzion është i përligjur? Gjatë vitit të shkuar janë 3 kompani që kanë patur një volum aktiviteti pak më të madh se sa një nga “gjymtyrët” e Classic Group, që është “Hyundai Auto Albania”. Kjo e fundit regjistroi një aktivitet prej rreth 2.2 miliardë lekëve.

Me shume Informacion mund te gjeni tek libri “Biznesi Shqiptar, Me te miret 2019”

Emri i kompanisë: Albaelettrica
Xhiro e biznesit 2018: 25 milion EURO
Numri i punonjësve: 137
Vendndodhja: Tiranë

Albaelettrica, është e specializuar në tregtimin me shumicë e pakicë të materialeve elektrike, civile, industriale, si dhe projektimin dhe instalimin e tyre që prej vitit 1993. Kjo shoqëri është e para që ka sjellë në tregun shqiptar gamën më të gjerë dhe cilësinë e produkteve bashkëkohore të njohura në tregun Evropian.
Me një staf me kualifikim të lartë dhe të gatshëm në çdo kohë për t’iu përgjigjur nevojave të klientëve, individë apo biznese, Albaelettrica krenohet me menaxhimin e nivelit superior dhe me kujdesin deri në hollësitë më të vogla për përmbushjen e kërkesave të klientit; duke filluar që nga ideimi e konsulenca dhe deri tek projektimi e zbatimi duke ruajtur raportin më të mirë në treg midis cilësisë dhe çmimit.

Me shume Informacion mund te gjeni tek libri “Biznesi Shqiptar, Me te miret 2019”