Month: October 2023

Administrator i Përgjithshëm i kompanisë “Maccaferri Balkans”

Xhiro e biznesit 2022: 23 milionë euro

Ndryshimi në % 22/21: +50

Numri i punonjësve: 160

Vendndodhja: Durrës

Nëse ndodhesh për një takim pune me Administratorin e Përgjithshëm të “Maccaferri Balkans”, Robert Masha në kompaninë që ai drejton, e ke të pamundur ti shpëtosh ftesës së tij për të bërë një vizitë në ambientet e saj. Dhe është një ftesë mëse e përligjur nga ana e tij. Është një ftesë e vlefshme. Sepse nëpërmjet një guide në ambientet e kompanisë, ti bëhesh dëshmitar i një kapërcimi të madh sasior dhe cilësor që ka pësuar “Maccaferri Balkans”, kompania që operon që prej 14 vitesh në Shqipëri. E zhvendosur tashmë në ambientet e reja në Xhafzotaj të Durrësit dhe si rezultat i investimeve të rëndësishme të kryera gjatë vitit 2022, prej më shumë se 4 milionë euro, “Maccaferri Balkans” tashmë ka rritur përmasat e tij. E ushtron aktivitetin në një territor prej 40 mijë metra katror, ku vetëm sipërfaqja e fabrikës është 15 mijë metra katror. Dhe ajo që është më e rëndësishmja, numri i linjave industriale është rritur nga 4 që ishin më parë në 12, duke shtuar kështu gamën e produkteve që prodhon dhe eksporton kjo kompani.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: B.M Group

Xhiro e biznesit 2022: 24 milion EURO

Numri i punonjësve: 200

Vendndodhja: Koplik

Kompania B.M e nisi aktivitetin e saj në vitin 2004 në Koplik, si një kompani me natyrë biznesi dustribucionin dhe tregtimin e produkteve shumë cilësore në tregun shqiptar. Përgjatë 20 viteve ajo është shndërruar në një kompani të madhe e të suksesshme duke njohur cdo vit performanca impresionuese. Gjatë vitit 2022 shënoi ndoshta më të mirën në karrierën e saj. Me xhiro biznesi mbi 2.8 miliardë lekë e me një fitim prej afro 800 milionë lekë B.M arriti të renditet ndër kompanitë kryeore të biznesit shqiptar. Por në rrugën e saj të biznesit B.M ia ka dalë të shndërrohet në një grup të mirëfilltë. Ndryshe nga të tjerët, që janë bërë të tillë nëpërmjet diversifikimit të aktiviteteve, B.M ka marrë përmasat e grupit nëpërmjet zgjerimit të aktivitetit të saj në territore e shtete të tjera si në Kosovë, Maqedoninë e Veriut, Serbi, Slloveni, Greqi, UK, USA, Itali etj. Pra duke distrubuar e tregtuar produkte të cilësosë premium. Dhe ja cilat janë disa nga këto produkte.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i kompanisë “Alumil Albania”

Emri i kompanisë: “Alumil Albania”

Xhiro e biznesit 2022: 25 milionë euro

Numri i punonjësve: 220

Vendndodhja: Tiranë

Nëpërmjet objekteve moderne të prodhimit dhe kontrollit të rreptë të cilësisë përgjatë gjithë linjës së prodhimit, në Alumil sigurojnë krijimin e produkteve superiore me vlerë të lartë të shtuar. Hulumtimi dhe zhvillimi i vazhdueshëm çon në ofrimin e zgjidhjeve unike me shumë tipare inovative, të cilat plotësojnë plotësisht nevojat e klientëve.
Me më shumë se 30 vjet eksperiencë dhe 2.200 punonjës, në dizenjimin dhe prodhimin e sistemeve arkitekturore të aluminit, Alumil është një nga kompanitë më të avancuara që zotërojnë globalisht linjat e prodhimit në 12 fabrikat e saj në Evropë.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: Teuta Durrës

Xhiro e biznesit 2022: 25.5 milionë EURO

Numri i punonjësve: 180

Vendndodhja: Durrës dhe Tirane

E themeluar në vitin 1994, shoqëria “Teuta Durrës”, operon në dy sektorë kryesor: paketimin dhe shpërndarjen e produkteve ushqimore. Aktiviteti i saj që në fillim ka qenë i fokusuar në fushën e import- eksportit, prodhimit dhe shpërndarjes së artikujve ushqimor, me bazë si orizi, sheqeri, mielli, fasule, niseshte, vaj i lulediellit, etj. Në fillimet e viteve ‘90 për shkak të ndryshimeve ekonomike të kësaj periudhe shume ndërmarje nuk i rezistuan dot situatave të reja të tregut, por fale drejtimit me integritet profesional nga Eleni Babameto në pozicionin e specialistes kimiste menaxhimi i punës vazhdonte normalisht. Udhëhequr nga këto synime tashme drejtimi i kesaj kompanie private ishte besuar Eleni Babameto nga investitoret e huaj. Më shumë përpjekje dhe aftësi drejtuese Eleni arriti që të rriste aksionet e saj gradualisht nga 10% fillestare deri në 100% duke filluar nga viti 2009. Sot shoqëria TEUTA DURRES Sh.p.k është 100% nje kompani shqiptare me të vetmit aksionere bashkeshortët Babameto me dy djemte e tyre.

Më shumë informacion mund të gjeni tek libri “Biznesi Shqiptar, Më të mirët 2023”

Administratore e Përgjithshme e kompanive Prodyn dhe EFA Solution

Xhiro e biznesit 2022: 26 milionë euro

Ndryshimi në % 22/21: +40

Numri i punonjësve: 1010

Vendndodhja: Tiranë

Kur hipermarketi Praktiker, i vendosur përbri urës së Kodër Kamzës u mbyll, destinacioni i mëtejshëm i këtij ambienti përbënte një pikëpyetje të madhe për pronarët e saj. Pasi edhe kandidatë potencialë që të mund të përqëndronin aktivitetin e tyre në një ndërtim të tillë specifik nuk kishte shumë. Mirëpo fati i tyre ishte se një vajzë e re i kishte vënë vetes një qëllim: të bëhej biznesmene. Dhe jo vetëm kaq, por kishte një ide të madhe biznesi dhe vizionin për të. Por edhe kjo nuk mjaftonte. Sepse përvec tyre kishte edhe energjinë, vullnetin për ta vënë në jetë atë. Dhe për 7-8 vite ideja e saj e biznesit, e konkretizuar në ngritjen e fabrikave të prodhimit të këpucëve Prodyn dhe EFA Solution është verifikuar që ka qenë vërtet ide e madhe. Pasi të dyja këto fabrika, jo vetëm që janë një realitet I rëndësishëm në industrinë shqiptare të kësaj natyre, por nga ana tjetër ato kanë fituar një status të rëndësishëm prej protagonisti. Me aktivitet që sa vjen e konsolidohet, me aktivitet që sa vjen e përmirësohet, me performanca që sa vijnë e rriten.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i FPM Group

Emri i kompanisë:  FPM Tutto Mobili (Fabrika e Prodhimit të Mobiljeve), Best Seller

Xhiro e biznesit 2022: 26 milionë euro

Numri i punonjësve: 350

Vendndodhja: Tiranë

Eshtë një kategori personash, të cilët, për nga suksesi afatgjatë që kanë siguruar ndër vite, nëpërmjet kompanive të tyre, futen tek brezi i artë i biznesit shqiptar. Mund të përmendim shumë të tillë, por pa diskutim nuk duhet të harrojmë kurrsesi në këtë listë edhe Ilir Linzën. Me biznes të filluar mbi 20 vite më parë, në fushën e prodhimit të mobiljeve, ai ka mundur të sigurojë sukses vit pas viti, të rrisë e zgjerojë aktivitetit në të njëjtën fushë vit pa viti, të modernizojë aktivitetin e tij nëpërmjet inovacioneve të shumta vit pas viti. Edhe pse fusha ku ushtron aktivitetin e tij është tepër e “rrahur”, duke patur një mori subjektesh pa fund, duke se Ilir Linza me FPM-në e tij duket se e ka patur garën në Shqipëri vetëm me veten. Dhe në fakt me veten e ka patur vërtet. Sepse vetë fizionomia e aktivitetit të FPM-së ka qenë e tillë, si një fabrikë e cila prodhonte produkte vetëm për eksport.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i kompanisë “AMA Recycling”

Xhiro e biznesit 2022: 27.5 milionë euro

Ndryshimi në % 22/21: +30

Numri i punonjësve: 50

Vendndodhja: Tiranë

Janë disa kompani që kanë emra aq kuptimplotë, saqë menjëherë e kupton natyrën e tyre të biznesit. Objektin e veprimtarisë që ushtrojnë. Fizionominë e aktivitetit që kanë. Si psh AMA Recycling, të cilën, aksionerët e saj e kanë emërtuar në atë mënyrë që të krijon menjëherë idenë me cfarë merret ajo. Thelbi i aktivitetit të AMA Recycling është grumbullimi dhe përpunimi i metaleve të ndryshme, kryesisht mbeturina alumini. Kompania është e specializuar në transformimin e mbetjeve të aluminit dhe në lidhje metalesh, të cilat më pas përdoren në industrinë automobilistike, në industrinë e prodhimit të enëve të guzhinës si dhe në industri të tjera. Kjo falë karakteristikave të aluminit, i cili është plotësisht i riciklueshëm. Ndaj kemi të bëjmë me një aktivitet me vlera të mëdha në mjedis që lejon ruajtjen e burimeve energjitike dhe natyrore.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i Përgjithshëm i kompanisë “Coral Fish”

Xhiro e biznesit 2022: 29 milionë EURO

Ndryshimi në % 22/21: +5

Numri i punonjësve: 325

Vendndodhja: Durrës

Nuk e di nëse pronari i “Coral Fish”, Helidon Rruga e kishte imagjinuar që kompania që krijoi dhe filloi aktivitet në vitin 1994 do të arrinte në këto përmasa që ka arritur sot. Pra në një kompani me një volum aktiviteti rreth 30 milionë euro, me mbi 320 punonjës apo me një fitim vjetor 3.5 milionë euro. Por di që ai ndërtoi një endër, e ndoqi e punoi vazhdimisht për realizimin e saj. Sigurisht që ka besuar dhe ka vepruar cdo ditë, cdo muaj e cdo vit që kompania të vijë në këto nivele. Sepse suksesi është i lidhur me veprimin. Që të jesh i suksesshëm duhet të lëvizësh vazhdimisht, pa patur frikë nga dështimi. “Coral Fish” është ajo kompani që është sot, jo se u bë e tillë brenda ditës, por se për të është punuar plot 29 vite me përkushtim. Me pasion. Me strategji. Me dëshirë. Me sakrifica. Me mundim. Dhe cdo vit është përmirësuar. Cdo vit ka shënuar rezultate më të mira se vitin paraardhës.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i kompanisë “Albsteel”

Xhiro e biznesit 2022: 29 milionë euro

Ndryshimi në % 22/21: +33

Numri i punonjësve: 50

Vendndodhja: Durrës

Kompania “Albsteel” quhet ndryshe edhe “Qendra e shërbimit të metalit”. Jo rastësisht, pasi gama e produkteve të metalit dhe e shërbimeve që ofrohen në të është aq e madhe sa e justifikon plotësisht këtë referim. Në “Albsteel” prodhohen profil tubolar rrethor, profil tubolar katror, profil tubular drejtkëndor, profile tubolare special, llamarinë tabak, llamarinë e riguar pikë loti, llamarinë e riguar baklava, profil celiku katror, profil celiku lama, profil celiku rrethor, profil celiku ele barabrinjase, profil celiku T, trarë celiku UPN, trarë celiku IPE, trarë celiku HEA, trarë celiku HEB, trarë celiku IPN. E gjithë kjo gamë produktesh dhe sasitë që prodhohen e tregtohen në vit nga ato, me cilësinë dhe standartet e Bashkimit Europian e kanë kthyer Albsteel & Papmetal grupin më të madh në rajon në prodhimin e profileve tubolare prej llamarine çeliku të prodhuar në të ftohtë, të ngrohtë & të galvanizuar.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: Albaelettrica

Xhiro e biznesit 2022: 35 milionë EURO

Numri i punonjësve: 140

Vendndodhja: Tiranë

Albaelettrica, është e specializuar në tregtimin me shumicë e pakicë të materialeve elektrike, civile, industriale, si dhe projektimin dhe instalimin e tyre që prej vitit 1993. Kjo shoqëri është e para që ka sjellë në tregun shqiptar gamën më të gjerë dhe cilësinë e produkteve bashkëkohore të njohura në tregun Evropian. Me një staf me kualifikim të lartë dhe të gatshëm në çdo kohë për t’iu përgjigjur nevojave të klientëve, individë apo biznese, Albaelettrica krenohet me menaxhimin e nivelit superior dhe me kujdesin deri në hollësitë më të vogla për përmbushjen e kërkesave të klientit; duke filluar që nga ideimi e konsulenca dhe deri tek projektimi e zbatimi duke ruajtur raportin më të mirë në treg midis cilësisë dhe çmimit.
Ambjentet ku zhvillon aktivitetin kompania në Tiranë, reflektojnë jo vetëm kujdesin në përzgjedhjen e produkteve, por edhe në përzgjedhjen e partnerëve të cilët sigurojnë ekskluzivitetin e produkteve dhe shërbimeve të Albaelettrica në tregun shqiptar.

Më shumë informacion mund të gjeni tek libri “Biznesi Shqiptar, Më të mirët 2023”