Emri i kompanisë:  Universiteti Europian i Tiranës
Xhiro e biznesit 2017:  7.5 milionë euro
Numri i punonjësve:  225
Vendndodhja:  Tiranë

Universiteti Europian i Tiranës u themelua në vitin 2006 prej një grupi akademikësh të rinj, gazetarësh dhe menaxherësh. Vizioni i UET është të jetë një universitet lider për zhvillimin e dijes në shoqërinë shqiptare, një qendër ekselence në formimin akademik të studentëve tanë, një qendër ekspertize të speciali- zuar në fushën e studimeve shoqërore – politike, ekonomike dhe juridike në vend, me ndikim në rajon e më gjerë, si dhe një qendër ekselence për kërkimin shkencor në drejtimet speci fi ke ku zotërojmë potencialet e duhura. Misioni I UET është t’u japim studentëve një edukim shumë cilësor, duke përthyer në të rezultatet e një kërkimi shkencor të vlefshëm, t’i shërbej dijes së shoqërisë shqiptare nëpërmjet mësimdhënies, kreativitetit, përdorimit të arritjeve më të mira të shkencës, si dhe partneriteteve me tregun e punës e atyre ndërkombëtare. Vlerat që UET përcjell janë: Cilësi dhe Ekselencë; Lidership dhe Punë Grupi; Liri eksplorimi intelektual; Drejtësi dhe Integritet; Transparencë dhe Përgjegjshmëri; Mësim gjatë gjithë jetës.

Me Shume Informacion mund te gjeni tek libri “Biznesi Shqiptar, Me te miret 2018”

Xhiro e biznesit 2017:  8.5 milionë euro
Ndryshimi në % 17/16:   + 15
Numri i punonjësve:  159
Vendndodhja:  Tiranë

Kur ne nisim e shqyrtojmë të dhënat ekonomiko-financiare që tregojnë performancën e biznesit shqiptar gjatë vitit që analizohet krijohet ideja që në sektorin e prodhimit të mobiljeve egziston vetëm një kompani, vetëm Fabrika e Përpunumit të Mobiljeve, FPM. Në fakt e vërteta është ndryshe. Ky sektor është i tejmbushur me subjekte e kompani, mirëpo thuajse të gjitha kanë një aktivitet modest, aktivitet i cili nuk arrin ti rendisë ata tek kompanitë me mëdha apo të suksesshme të Shqipërisë. Pra këto kompani nuk arrijnë dot të krahasohen me FPM e jo më të renditen ndër 200 kompanitë më të mëdha apo 200 kompanitë me të suksesshme të Shqipërisë. Është e qartë pra, që FPM, jo vetëm është lidere në sektorin e përpunimit të drurit e të prodhimit të mobiljeve, por ajo është në një pozicion të tillë që nuk të krahasuar me kompanitë e tjera simotra apo konkurente të saj. Kështu, FPM, edhe përgjatë vitit 2017 arriti të realizojë një aktivitet në kuotën e 1.2 miliardë lekëve ose afro 8.5 milionë eurove me një rritje prej 15 për qind prahasuar me një vit më parë. Kjo dinamikë aktiviteti, kjo rritje e faturimeve me një ritëm të mirë tregon se 2017 për kompani FPM ka qenë një vit i pëlqyeshëm. Se ku qën- dron suksesi i kompanisë nuk është e vështirë të dallohet, mjafton që të shikohet me vëmëndje fizionomia e aktivitetit të saj. Nga 1.2 miliardë lekë që është totali i aktivitetit të kompanisë, rreth 915 milioë lekë janë vlera e produktit të destinuar për eksport. Pra afro rreth 80 për qind e produktit të saj është adresuar në eksport. Janë shumë të pakta kompanitë shqiptare që ia kanë dalë mbanë të kenë të fuqishëm komponentin e eksportit. Pasi të kesh fuqi konkuruese në tregje ndërkombëtare do të thotë të përballosh një s fi dë tejet të madhe. Në fakt, eksporti është s fi da kryesore e biznesmenëve shqiptare, është matësja reale e vlerave të tyre dhe kompanive që drejtojnë. Ato që ia kanë dalë mbanë ta përbal- lojnë një s fi dë janë të pakta deri tani, por akoma më ta pakta janë kompanitë që thuajse shumicën e produktit të tyre e kanë vetëm për eksport. Një prej tyre është FPM Tuto Mobili, cka tregon se kjo kompani është krijuar e është menaxhuar me botëkuptimin dhe ligjësitë e duhura. Me afro 920 milionë lekë produkt për eksport, FPM është në vendin e 23 ndër 100 kompanitë më të mëdha të eksportit. Por në asnjë rast nuk duhet të harrojmë se nuk mund të bëhet një krahasim abstrakt dhe absolut edhe për këtë komponent, pasi në vendet e para janë kompani që eksporto- jnë kryesisht minerale shqiptare. Një fakt ky që ia mohon disi meritat FPM-së, si një kompani, e cila që kur është krijuar e deri më sot shumicën e produktit të saj e ka destinuar vetëm në eksport.

Me Shume Informacion mund te gjeni tek libri “Biznesi Shqiptar, Me te miret 2018”

Xhiro e biznesit 2017:  12 milion EURO
Ndryshimi në % 17/16:   + 30
Numri i punonjësve:  180
Vendndodhja:  Tiranë

Në sektorin e ndërtimit të vepravë të ndryshme dhe punimeve në infrastrukturë egzistojnë një numër i madh kompanish. Ndoshta më shumë se sa në cdo sektor tjetër. Por fakt është se kompania “CURRI” është një prej protagonistëve të rëndësishëm të saj, jo vetëm nga pikëpamja kogore e aktivitetit, por edhe intensiteti i saj. E themeluar që në vitin 1995, sot” CURRI” regjistron në jetën e saj afro 24 vite aktivitet, ndërkohë që të shumta janë edhe veprat që kjo kompani ka ndërtuar apo rehabilituar. Sikurse thamë, ndërtimi dhe punimet e ndryshme të infrastrukturë përbëjnë një sektor të “populluar” me subjekte dhe arsyet e masivizimit mund të jenë të shumëllojshme. Cdokush që ka themeluar një kompani të tillë mund të ketë patur arsyet specifike të nisjes së biznesit në këtë sektor, kurse për Faik Currin, ngritja e kompanisë së tij thjesht përbënte një zhvillim profesional, por tashmë i konkretizuar në kushtet e ushtrimit të iniciativës së lirë. I diplomuar në Fakultetin e Inxhnierisë së Ndërtimit për inxhinieri hidroteknike, Faik Curri nuk kishte ku ta kërkonte fatin e tij, më mirë se sa në një kompani të tijën, e cila zhvillonte aktivitetin, pikërisht në fushën ku ai ishte diplomuar. Në realitetin e biznesit shqiptar ka edhe mjaft raste te tjera biznesi, ku kuali fi kimi i ngushtë i themeluesit të saj është i lidhur me natyrën e aktivitetit të kompanisë dhe thuajse në shumicën e rasteve, këto kanë prodhuar histori suksesi. E tillë është edhe kompania CURRI.

Me Shume Informacion mund te gjeni tek libri “Biznesi Shqiptar, Me te miret 2018”

Emri i kompanisë:  ALBA SHOES GROUP & TNA
Të ardhurat bruto 2017:  13 milionë EURO
Numri i punonjësve:  1947
Vendndodhja:  Lac, Kamëz, Vlorë, Çorovodë

Nelson Mandela thotë se: “Nje fitues eshte thjesht nje enderrues qe nuk dorezohet kurrë”. Ky është personifikimi perfekt i presidentit të shoqërisë Alba Shoes Group, z. Nikolin LLESHI, një biznesmen që nuk ndalet para asnjë vështirësie. ALBA është sinonimi i teknologjisë avanguardia që studion teknologjitë më të mira për kë punon. Çdo produkt i Alba Shoes është projektuar me shumë kujdes në çdo detaj duke iu nënshtruar testeve përkatës në çdo fazë të produktit. ALBA SHOES GROUP ka marrë certifi katën për cilësi ISO 9001: 2015 certifikuar nga TUV Austria . Gjatë vitit 2017 kemi pasur Auditime nga mbi 20 grupe auditoresh nga gjithe Europa ne lidhje me cilesine e prodhimit e kushtet e punes ne ambjentet tona e rezultatet kane qene vertetë pozitive per nje realitet shqiptar qe eshte rritur e permisuar ne vite. ALBA SHOES ështe nje investim 100% shqiptar.

Me Shume Informacion mund te gjeni tek libri “Biznesi Shqiptar, Me te miret 2018”

Xhiro e biznesit 2017:  13,5 milionë EURO
Ndryshimi në % 17/16:  15%
Numri i punonjësve:  150
Vendndodhja:  Durrës

Kompania “Koral Fish” njohu gjatë vitit 2016 një kapërcim sasior në aktivitetin e saj. Pasi xhiro e kompanisë u rrit me një ritëm prej 90 përqind krahasuar me një vit më parë, një ritëm rritje ky i pazakontë për të gjitha kompanitë e tjera shqiptare. E verifikuar cdo vit si një kompani e suksesshme në sektorin e përpunimit të peshkut, “Koral Fish” ka njohur cdo vit rritje të akivitetit të saj, mirëpo ajo cfarë përjetoi gjatë vitit 2016 ishte një “saldim” i aktivitetit të kompanisë në një tjetër nivel. Edhe gjatë vitit 2017, kompania njohu sërish rritje, duke vazhduar kështu të përforcojë fizionominë e saj si një kompani lider e sektorit përkatës. Janë me dhjetra kompani që kanë këtë natyrë aktiviteti, janë më dhjetra subjekte që argument të biznesit të tyre kanë produktet e detit, mirëpo “Koral Fish” ka arritur të krijojë një distancë të madhe me to. Sepse aktiviteti i saj është thuajse me cikël të mbyllur në këtë sektor. Kompania ka flotën e saj nëpërmjet së cilës siguron lëndën e parë për përpunim, por që sigurisht nuk përbën të gjithë sasinë që ajo përpunon në vit, pasi një pjesë e mirë e lëndës së parë vjen edhe nga importi. Kompania ka gjithashtu kapacitete të mjaftueshme për përpunim, duke respektuar të gjitha normativat e Bashkimit Europia. Si një kompani eksportuese, si një kompani, e cila aktivitetin e saj e realizon me partner europianë të saj, kryesisht në tregun Italian, është e kuptueshme se standartet që ajo plotëson e realizon janë të nivelit më të lartë. Të jesh partner i kompanive të konsoliduara italiane prej kaq e kaq vitesh, të rriësësh në mënyrë graduale dhe sistematike aktivitetin nga njëri vit në tjetrin, kjo tregon për një status të për fi tuar e të merituar pikërisht nga puna me standarte të larta, nga përkushtimi e dedikimi ndaj biznesit që drejton. Ashtu sic vepron Administratori i Përgjithshëm i “Koral Fish”-it, Helidon Rruga. Të operoh me sukses të vazhdueshëm prej afro 24 vitesh e të jesh lider i padiskutueshëm i tregut kjo tregon se kemi të bëjmë me nje biznes të menaxhuar shkëlqyeshëm.

Me Shume Informacion mund te gjeni tek libri “Biznesi Shqiptar, Me te miret 2018”

Emri i kompanisë:  Miell Tirana
Xhiro e aktivitetit 2017:  14 milionë euro
Numri i punonjësve:  106
Vendndodhja:  Tiranë

Sektori i fabrikimit të drithërave është një biznes, madhësia e të cilit varet shumë nga ecuria e lëndës së parë në bursë. Pra të bësh dinamikën e biznesit të një kompanie nga njëri vit në tjetrin, edhe po qe se aktiviteti ka ardhur në uljë, sërish kjo nuk do të thotë gjë. Kjo nuk flet për përkeqesim performance, pasi nëse kompania arrin të kapë grurin me cmim të ulët, edhe aktiviteti në total do të dalë më i ulët, ndonëse kompania mund të ketë përpunuar më shumë grurë e prodhuar më shumë prodhime brumi. Por ajo që është e rëndë- sishme është krahasimi “brenda llojit”. Nga të gjitha kompanitë e fabrikimit të drithërave, ajo që ka patur statusin e liderit edhe për vitin 2017 është shoqëria anonime “Miell Tirana”. Me afro 1.8 miliardë aktivitet kjo kompani renditet e para në sektorin e saj, ndonëse aktiviteti i saj ka shënuar pak ulje në krahasim me një vit më parë. Por kjo pak rëndësi ka, kur edhe konkurentet e saj kanë patur rënie, cka nuk i ka cënuar kësaj kompanie rolin e liderit të sektorit. Kurse sa i takon renditjes ndër kompanitë më të mëdha të vendit, shoqëria anonime “Miell Tirana” renditet në vendin e 175. Sigurisht, të ruash performancën e kompanisë, të mbash të paprekur kurorën e fitimtarit të garës është një punë tejet e vështirë. Pasi bëhet fjalë për një garë ku ka vështirësi objektive, vështirësi klasike, por ndërkohë ka edhe vështirësi artificiale. Në sektorin e përpunimit të drithërave nuk duhet harruar se operojnë disa fabrika të mëdha, por ndërkohë janë edhe me qindra mullinj dhe punishte të vogla të cilat e fragmentarizojnë tregun. Por nga ana tjetër në këtë sektor egziston edhe ajo që quhet konkurencë e pandershme, një konkurencë kjo që materializohet nëpërmjet ardhjes së grurit të një cilësie të dobët. Është e natyrshme që mallrat e cilësisë së dobët të kenë si “kalë beteje” në konkurence cmimin dhe kjo ka sjellë që fabrikat e mëdha të mos kenë atë klientelë që në fakt duhet te kishin.  Dhe s’ka si të bëjë përjashtim nga lista e të dëmtuarve edhe shoqëria “Miell Tirana. Nga ana tjetër, kompani të tilla janë tepër të dedikuara ndaj cilësisë së produktit dhe në këtë mënyrë ata para- qiten edhe si kujdestare të shëndetit të qytetarëve. Ndaj kushdo konsumator që është i përfshirë nga dyshimet për manovrat mashtruese që mund të bëhen në kurriz të konsumatorit e ka një mënyrë se si ti shuajë ato. Ti besojë kompanisë “Miell Tirana” sepse i gjithë lajtmotivi i veprimtarisë së saj mbi 20 vjecare është cilësia dhe përgjegjshmëria karshi konsumatorëve. Dy janë komponentët garantues për këtë, teknologjia dhe lënda e parë. Teknologjia e kompanisë “Miell Tirana” është bashkëkohore, ndërkohë që lënda e parë merret nga kompani të mirënjohura për tregtim gruri, me parametrat më të mirë.. Një vështirësi tjetër me të cilën has industria e fabrikimit të drithërave, e sigurisht edhe shoqëria “Miell Tirana” si një protagonist i rëndësishëm i saj është konkurenca me produktin serb, i cili subvecionohet nga qeveria serbe. Subvencione qeveria serbe jep për cdo fabrikë të re të krijuar, për pajisjen e saj me teknologji etj. Ndërkohë që prodhuesit shqiptarë të miellit dhe bukës, ndonëse i kanë par- ashtruar me dhjetra herë në institucionet shqiptare këto vështirësi e pabarazi, sërish janë gjendur përpara indiferencës së tyre. Fjala subvencion duket e huaj për qeverinë shqiptare, por e pakuptueshme është mosreagimi I saj kur bëhet fjalë për cilësi të dobët të një produkti sikurse është buka e përditshme.

Me Shume Informacion mund te gjeni tek libri “Biznesi Shqiptar, Me te miret 2018”