Biznesmenet

Administratore e Përgjithshme e kompanive Prodyn dhe EFA Solution

Xhiro e biznesit 2022: 26 milionë euro

Ndryshimi në % 22/21: +40

Numri i punonjësve: 1010

Vendndodhja: Tiranë

Kur hipermarketi Praktiker, i vendosur përbri urës së Kodër Kamzës u mbyll, destinacioni i mëtejshëm i këtij ambienti përbënte një pikëpyetje të madhe për pronarët e saj. Pasi edhe kandidatë potencialë që të mund të përqëndronin aktivitetin e tyre në një ndërtim të tillë specifik nuk kishte shumë. Mirëpo fati i tyre ishte se një vajzë e re i kishte vënë vetes një qëllim: të bëhej biznesmene. Dhe jo vetëm kaq, por kishte një ide të madhe biznesi dhe vizionin për të. Por edhe kjo nuk mjaftonte. Sepse përvec tyre kishte edhe energjinë, vullnetin për ta vënë në jetë atë. Dhe për 7-8 vite ideja e saj e biznesit, e konkretizuar në ngritjen e fabrikave të prodhimit të këpucëve Prodyn dhe EFA Solution është verifikuar që ka qenë vërtet ide e madhe. Pasi të dyja këto fabrika, jo vetëm që janë një realitet I rëndësishëm në industrinë shqiptare të kësaj natyre, por nga ana tjetër ato kanë fituar një status të rëndësishëm prej protagonisti. Me aktivitet që sa vjen e konsolidohet, me aktivitet që sa vjen e përmirësohet, me performanca që sa vijnë e rriten.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i FPM Group

Emri i kompanisë:  FPM Tutto Mobili (Fabrika e Prodhimit të Mobiljeve), Best Seller

Xhiro e biznesit 2022: 26 milionë euro

Numri i punonjësve: 350

Vendndodhja: Tiranë

Eshtë një kategori personash, të cilët, për nga suksesi afatgjatë që kanë siguruar ndër vite, nëpërmjet kompanive të tyre, futen tek brezi i artë i biznesit shqiptar. Mund të përmendim shumë të tillë, por pa diskutim nuk duhet të harrojmë kurrsesi në këtë listë edhe Ilir Linzën. Me biznes të filluar mbi 20 vite më parë, në fushën e prodhimit të mobiljeve, ai ka mundur të sigurojë sukses vit pas viti, të rrisë e zgjerojë aktivitetit në të njëjtën fushë vit pa viti, të modernizojë aktivitetin e tij nëpërmjet inovacioneve të shumta vit pas viti. Edhe pse fusha ku ushtron aktivitetin e tij është tepër e “rrahur”, duke patur një mori subjektesh pa fund, duke se Ilir Linza me FPM-në e tij duket se e ka patur garën në Shqipëri vetëm me veten. Dhe në fakt me veten e ka patur vërtet. Sepse vetë fizionomia e aktivitetit të FPM-së ka qenë e tillë, si një fabrikë e cila prodhonte produkte vetëm për eksport.

Më shumë informacion mund të gjeni tek libri “Biznesi Shqiptar, Më të mirët 2023”

Drejtor i Përgjithshëm i kompanisë “AMA Recycling”

Xhiro e biznesit 2022: 27.5 milionë euro

Ndryshimi në % 22/21: +30

Numri i punonjësve: 50

Vendndodhja: Tiranë

Janë disa kompani që kanë emra aq kuptimplotë, saqë menjëherë e kupton natyrën e tyre të biznesit. Objektin e veprimtarisë që ushtrojnë. Fizionominë e aktivitetit që kanë. Si psh AMA Recycling, të cilën, aksionerët e saj e kanë emërtuar në atë mënyrë që të krijon menjëherë idenë me cfarë merret ajo. Thelbi i aktivitetit të AMA Recycling është grumbullimi dhe përpunimi i metaleve të ndryshme, kryesisht mbeturina alumini. Kompania është e specializuar në transformimin e mbetjeve të aluminit dhe në lidhje metalesh, të cilat më pas përdoren në industrinë automobilistike, në industrinë e prodhimit të enëve të guzhinës si dhe në industri të tjera. Kjo falë karakteristikave të aluminit, i cili është plotësisht i riciklueshëm. Ndaj kemi të bëjmë me një aktivitet me vlera të mëdha në mjedis që lejon ruajtjen e burimeve energjitike dhe natyrore.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i Përgjithshëm i kompanisë “Coral Fish”

Xhiro e biznesit 2022: 29 milionë EURO

Ndryshimi në % 22/21: +5

Numri i punonjësve: 325

Vendndodhja: Durrës

Nuk e di nëse pronari i “Coral Fish”, Helidon Rruga e kishte imagjinuar që kompania që krijoi dhe filloi aktivitet në vitin 1994 do të arrinte në këto përmasa që ka arritur sot. Pra në një kompani me një volum aktiviteti rreth 30 milionë euro, me mbi 320 punonjës apo me një fitim vjetor 3.5 milionë euro. Por di që ai ndërtoi një endër, e ndoqi e punoi vazhdimisht për realizimin e saj. Sigurisht që ka besuar dhe ka vepruar cdo ditë, cdo muaj e cdo vit që kompania të vijë në këto nivele. Sepse suksesi është i lidhur me veprimin. Që të jesh i suksesshëm duhet të lëvizësh vazhdimisht, pa patur frikë nga dështimi. “Coral Fish” është ajo kompani që është sot, jo se u bë e tillë brenda ditës, por se për të është punuar plot 29 vite me përkushtim. Me pasion. Me strategji. Me dëshirë. Me sakrifica. Me mundim. Dhe cdo vit është përmirësuar. Cdo vit ka shënuar rezultate më të mira se vitin paraardhës.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i kompanisë “Albsteel”

Xhiro e biznesit 2022: 29 milionë euro

Ndryshimi në % 22/21: +33

Numri i punonjësve: 50

Vendndodhja: Durrës

Kompania “Albsteel” quhet ndryshe edhe “Qendra e shërbimit të metalit”. Jo rastësisht, pasi gama e produkteve të metalit dhe e shërbimeve që ofrohen në të është aq e madhe sa e justifikon plotësisht këtë referim. Në “Albsteel” prodhohen profil tubolar rrethor, profil tubolar katror, profil tubular drejtkëndor, profile tubolare special, llamarinë tabak, llamarinë e riguar pikë loti, llamarinë e riguar baklava, profil celiku katror, profil celiku lama, profil celiku rrethor, profil celiku ele barabrinjase, profil celiku T, trarë celiku UPN, trarë celiku IPE, trarë celiku HEA, trarë celiku HEB, trarë celiku IPN. E gjithë kjo gamë produktesh dhe sasitë që prodhohen e tregtohen në vit nga ato, me cilësinë dhe standartet e Bashkimit Europian e kanë kthyer Albsteel & Papmetal grupin më të madh në rajon në prodhimin e profileve tubolare prej llamarine çeliku të prodhuar në të ftohtë, të ngrohtë & të galvanizuar.

Më shumë informacion mund të gjeni tek libri “Biznesi Shqiptar, Më të mirët 2023”

Emri i kompanisë: Albaelettrica

Xhiro e biznesit 2022: 35 milionë EURO

Numri i punonjësve: 140

Vendndodhja: Tiranë

Albaelettrica, është e specializuar në tregtimin me shumicë e pakicë të materialeve elektrike, civile, industriale, si dhe projektimin dhe instalimin e tyre që prej vitit 1993. Kjo shoqëri është e para që ka sjellë në tregun shqiptar gamën më të gjerë dhe cilësinë e produkteve bashkëkohore të njohura në tregun Evropian. Me një staf me kualifikim të lartë dhe të gatshëm në çdo kohë për t’iu përgjigjur nevojave të klientëve, individë apo biznese, Albaelettrica krenohet me menaxhimin e nivelit superior dhe me kujdesin deri në hollësitë më të vogla për përmbushjen e kërkesave të klientit; duke filluar që nga ideimi e konsulenca dhe deri tek projektimi e zbatimi duke ruajtur raportin më të mirë në treg midis cilësisë dhe çmimit.
Ambjentet ku zhvillon aktivitetin kompania në Tiranë, reflektojnë jo vetëm kujdesin në përzgjedhjen e produkteve, por edhe në përzgjedhjen e partnerëve të cilët sigurojnë ekskluzivitetin e produkteve dhe shërbimeve të Albaelettrica në tregun shqiptar.

Më shumë informacion mund të gjeni tek libri “Biznesi Shqiptar, Më të mirët 2023”

President i “Coca-Cola Bottling Shqiperia”

Xhiro e biznesit 2022: 42 milionë euro

Ndryshimi në % 22/21: +20

Numri i punonjësve: 368

Vendndodhja: Tiranë

“CCBS vazhdon të rritet, duke treguar muskujt e saj me forcë – nënvizon Luca Busi, President i CCBS – pandemia, luftërat, inflacioni dhe kriza ndërkombëtare nuk e kanë ndalur përparimin e kompanisë, e cila në përgjithësi regjistroi një vit shumë pozitiv në 2022. Një fakt mbi të gjitha: xhiron e vitit 2022 e mbyllëm me 42 milionë euro, + 20% krahasuar me një vit më parë (35 milionë në 2021), me një marzh Ebit prej 18.2%. Ne kemi forcuar gjithashtu stafin tonë, i cili është rritur nga 352 në 368 punonjës: një rezultat i pabesueshëm për një kompani që tashmë është kthyer në një model sipërmarrësi për të gjithë vendin. Në fakt, ne jemi pozicionuar si lojtarët kryesorë në procesin e zhvillimit të territorit, duke arritur të ndërgjegjësojmë, të stimulojmë dhe të marrim pjesë aktive në një ndryshim pozitiv sistemik që përfshin të gjithë komunitetin”.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i “YURA Corporation Albania” sh.p.k

Xhiro e biznesit 2022: 46 milionë euro

Ndryshimi në % 22/21: +25

Numri i punonjësve: 1698

Vendndodhja: Fier

Sikur të bëhej një renditje e investimeve të huaja të negociuara nga Agjensia Shqiptare e Zhvillimit të Investimeve, “Yura Corporation Albania” do të ishte padyshim një ndër krenaritë e saj. Përkundër ndoshta edhe pritshmërive të vetë investitorëve të huaj, kompania koreane, e cila ka filluar aktivitetin në mënyrë të plotë në Shqipëri në vitin 2019, është shembull i një suksesi të shpejtë. Pasqyrë e mirë që tregon se kur llogaritë bëhen të sakta, edhe frytet nuk mungojnë. Por nga ana tjetër edhe dëshmi e faktit se Shqipëria është një ambient i mirë për të bërë biznes, sidomos nga kompani të huaja të kësaj natyre. Në vitin 2018, Yura Corporation aplikoi pranë Agjensisë së Zhvillimit të Investimeve të Huaja dhe Komitetit të Investimeve Strategjike për statusin e investitorit Strategjik. Dhe sapo e siguroi këtë status, nuk ngurroi por filloi nga puna, duke ngritur në Fier fabrikën për prodhimin e kabllove elektrikë për automjete. Deri tani cdo gjë ka shkuar sipas parashikimeve, por ndoshta edhe pak më mirë se kaq.

Më shumë informacion mund të gjeni tek libri “Biznesi Shqiptar, Më të mirët 2023”

Xhiro e biznesit 2022: 47 milion EURO Ndryshimi në % 22/21: +11

Numri i punonjësve: 419

Vendndodhja: Vrisera, Gjirokastër

Kompania ELKA- SA është ndër më të mirënjohurat në Shqipëri. Dhe kjo për shkak të disa faktorëve. Së pari prej kohëzgjatjes së aktivitetit. ELKA-SA është sot një kompani me histori suksesi mbi 25 vjecare, përgjatë së cilave ka rrënjosur një marrëdhënie të ngushtë me konsumatorët e produkteve të saj. Duke patur e duke rritur cdo vit besimin e konsumatorëve të shumtë, ELKA-Sa ka arritur të jetë ndër vite kompanitë lider të sektorit të saj Faktori i dytë që e bën të shumënjohur e të mirënjohur kompaninë Elka SA lidhet me numrin e madh të distribuohen dhe tregtohen numrin e madh të produkteve të saj, por njëkohësisht edhe me numrin e madh të konsumatorëve të produkteve të saj.
Përmes 25 vitesh investimi në infrastrukturë të lartë, teknologji inovative dhe njerëz të motivuar, Elka S.A. është bërë një nga distributorët drejtues në treg të disa prej produkteve konsumatore më të suksesshme në Shqipëri.

Më shumë informacion mund të gjeni tek libri “Biznesi Shqiptar, Më të mirët 2023”

Administrator i kompanive “R.B.H Beline” dhe “Izvor 99”

Xhiro e biznesit 2022: 50 milion EURO

Ndryshimi në % 22/21: +20

Numri i punonjësve: 60

Vendndodhja: Tiranë, Elbasan

Kompania “R.B.H Belinë” mbylli një tjetër vit të suksesshëm të saj. Duke ia bashkangjitur atë performancave fantastike të manifestuara nga ajo, që nga casti i krijimit të saj dhe duke u shndërruar në një prej investimeve private të drejtëpërdrejta më rentabël në Shqipëri. Me rreth 3.5 miliardë lekë xhiro dhe me afro 400 milionë lekë fitim “R.B. H Belinë” jo vetëm që shkroi edhe një kapitull tjetër të suksesit të saj, por ndërkohë verifikoi dhe vërtetoi edhe njëherë, aftësinë impresionuese të të bërit biznes të themeluesit dhe krijuesit kryesor të saj, Rebani Likometa. Vendimi për krijimin e rafinerisë së prodhimit të bitumit në Elbasan nuk ka qenë një vendim i tipit “kokë a pil”, por ka qenë rezultat i një njohjeje të shkëlqyer të tregut pas shumë e shumë vitesh aktivitet si tregtues i bitumit nëpërmjet kompanisë tjetër, “Izvor 99”, që ka qenë edhe kompania kryesore me të cilën ka ushtruar biznesin Rebani Likometa. Dhe duke e njohur këtë biznes me “dhëmbë e dhëmballë”, sikurse i thonë fjalës, ai e dinte se c’duhet të bënte për modifikimin dhe perfeksionimin e biznesit të tij.

Më shumë informacion mund të gjeni tek libri “Biznesi Shqiptar, Më të mirët 2023”