Month: October 2020

Emri i kompanisë: Miell Tirana
Xhiro e aktivitetit 2019: 16 milionë euro
Numri i punonjësve: 106
Vendndodhja: Tiranë

Në sektorin e përpunimit të drithërave është fabrika “Miell Tirana”, me drejtor të përgjithshëm të saj, Roland Hysën. Cdo vit lidere e tregut. Cdo vit protagonist e padiskutueshme e sektorit. Cdo vit, ndër kompanitë me performancën më të mirë. Gjatë vitit 2019, realizoi një aktivitet prej afro 18 milionë euro. Ose afërsisht sa I një viti më parë, por që mjaftoi për ta konfirmuar sërish si lidere të tregut të përpunimit të dritherave të bukës. Kompani si Miell Tirana” kanë vite në treg dhe këtë egzistencë afatgjatë e kanë bërë të mundur nëpërmjet punës plot përkushtim, pasion e seriozitet në fushën ku veprojnë.

Me shume Informacion mund te gjeni tek libri “Biznesi Shqiptar, Me te miret 2020”

Xhiro e biznesit 2019: 19 milionë euro
Ndryshimi në % 19/18: +20
Numri i punonjësve: 210
Vendndodhja: Tiranë

E themeluar në vitin 2004, si një fabrikë prodhuese dhe përfaqësuese e kompanisë së mirënjohur në Greqi, “Alumil Albania” ka shfaqur një qasje dhe një performancë shumë të mirë në treg, pavarësisht luhatjeve ekonomike në mbarë botën. I suksesshëm ishte edhe viti 2019 për këtë kompani. Me rreth 2.5 miliardë xhiro të realizuara, kompania u rendit në vendin e 110 midis kompanive më të mëdha të Shqipërisë. Ritmi i rritjes së saj krahasuar me një vit më parë ishte konsiderueshëm. Në krahasim me 2018, xhiroja e aktivitetit të kompanisë ishte 20 për qind më e lartë. Është e qartë pra se “Alumil Albania” vazhdon të ruajë statusin e kompanisë lider edhe për vitin e kaluar.

Me shume Informacion mund te gjeni tek libri “Biznesi Shqiptar, Me te miret 2020”

Emri i kompanisë: “Albsteel”, “Pap Metal”
Xhiro e biznesit 2019: 19 milionë euro
Ndryshimi në % 19/18: +20
Numri i punonjësve: 40
Vendndodhja: Durrës

Përpara disa kohësh, stafi menaxhues i kompanisë së mirënjohur “Albsteel” organizoj një seminar trajnues, me qëllim promovimin e një shërbimi të ri të saj: pastrimin me rërë celiku dhe lyerjen me primer të profilve të hekurit. Pjesëmarrësit ishin kryesisht biznesmenë dhe në përfundim të seminarit e të vizitës në ambientet e kompanisë, njëri prej tyre më afrohet e më pyet se me kë e kishte këtë aktivitet Proletar Hasani. Ishte një nga ato habitë klasike të një individi, i cili realitetin madhështor të dikujt përpiqet ta shpjegoje me rrethana dhe faktorë jashtë këtij individi. “Proletar Hasani është pronar 100 për qind i këtij aktiviteti, por fakti që je kaq i impresionuar nga aktiviteti tregon se vërtet paska bërë dicka të madhe, gati gati edhe të pabesueshme” – i them duke buzëqeshur.

Me shume Informacion mund te gjeni tek libri “Biznesi Shqiptar, Me te miret 2020”

Emri i kompanisë: FPM Tutto Mobili, Best Seller, FPD
Xhiro e biznesit 2019: 20 milionë euro
Numri i punonjësve: 159
Vendndodhja: Tiranë

Ajo cfarë ndodh në sektorin e shitjes së mobiljeve i ngjan një lojë me shumë aktorë, por kur fituesi dihet që pa nisur gara. Duket një garë e “mërzitshme” me një fitues të saj që ka vite të tëra që është në krye dhe që po ashtu, duket se edhe për shumë vite të tjera do ta ketë këtë status. Edhe pse ka aq shumë kompani që funksionojnë në këtë treg, sërish FPM Tutto Mobili, rezulton edhe për vitin 2019 kompania numër 1 e tregut. Gjatë analizës së të dhënave që ne kryejmë cdo vit në kuadër të Botimin Kombëtar që realizojmë prej 17 vitesh kemi patur disponimin për të dalluar në treg ndonjë kompani tjetër të sektorit, të denjë për tu përfshirë në këtë Botim, por diferencat janë të mëdha.

Me shume Informacion mund te gjeni tek libri “Biznesi Shqiptar, Me te miret 2020”

Emri i kompanisë: Koral Fish
Xhiro e biznesit 2019: 21 milionë EURO
Ndryshimi në % 19/18: 13%
Numri i punonjësve: 500
Vendndodhja: Durrës

Sikur Helidon Rruga do të dekurajohej nga ato cfarë flisnin nën zë bashkëqytetarë të tij kavajas, kur ai, vetëm 15 vjecar, vendosi një tezgë në qendër të qytetit, ai nuk do të ishte kurrë ai që është sot. Sikur Helidon Rruga të vihej në sedër nga ajo që i thoshte përditë babai i tij, Skënderi, kur ai në vitin 1992 iu fut rrugës së konkretizimit të inisiativës së lirë, ai kurrë nuk do të mbërrinte në këtë “stacion” ku ndodhet sot. Sikur Helidoni të dorëzohej përpara qortimeve të babait, është e sigurtë që ai do të kishte ngatërruar “korsinë”, duke ikur në “drejtim tjetër”, ndërkohë që instikti e shtynte drejt kësaj rruge që ka përshkuar për afro 28 vite.

Me shume Informacion mund te gjeni tek libri “Biznesi Shqiptar, Me te miret 2020”

Të ardhurat bruto 2019: 27 milionë EURO
Ndryshimi në % 19/18: +5
Numri i punonjësve: 137
Vendndodhja: Tiranë

Albaelettrica, është e specializuar në tregtimin me shumicë e pakicë të materialeve elektrike, civile, industriale, si dhe projektimin dhe instalimin e tyre që prej vitit 1993. Kjo shoqëri është e para që ka sjellë në tregun shqiptar gamën më të gjerë dhe cilësinë e produkteve bashkëkohore të njohura në tregun Evropian. Me një staf me kualifikim të lartë dhe të gatshëm në çdo kohë për t’iu përgjigjur nevojave të klientëve, individë apo biznese, Albaelettrica krenohet me menaxhimin e nivelit superior dhe me kujdesin deri në hollësitë më të vogla për përmbushjen e kërkesave të klientit; duke filluar që nga ideimi e konsulenca dhe deri tek projektimi e zbatimi duke ruajtur raportin më të mirë në treg midis cilësisë dhe çmimit.

Me shume Informacion mund te gjeni tek libri “Biznesi Shqiptar, Me te miret 2020”

Xhiro e biznesit 2019: 31 milion EURO
Ndryshimi në % 19/18: +10
Numri i punonjësve: 279
Vendndodhja: Tiranë

Përfytyroni pak dëshirën e ethshme të njerëzve për të bërë shoping, kthimin e tij në një pasion dhe mani dhe nga ana tjetër alternativat e panumurta. Që përmblidhen ne boutique, qendra tregtare, dyqane të specializuara marke, dyqane ku shiten lloje të ndryshme veshjesh pa profilizim të qartë, tregje të përqëndruara etj etj. Imagjinoni pra se cfarë detyre e vështirë është të gjesh veshjet e duhura, në raport me kërkesat dhe buxhetin tënd, sa i koklavitur është orientimi në këtë “pyll” të pafund alternativash e mundësish. Megjithatë egziston një mënyrë për të parë se kë preferojnë më shumë shqiptarët. Për të identifikuar se kush janë ata dyqane që “veshin” më së shumti qytetarët e këtij vendi. Dhe kjo është xhiroja vjetore e realizuar dhe fitimi i realizuar Nga qindra subjekte që mund të jenë me natyrë aktiviteti tregtimin e artikujve të veshjes, vetëm dy kompani janë ato që renditen ndër më të mëdhatë e biznesit shqiptar. Dhe njëra prej tyre është dhe LC Waikiki Albania.

Me shume Informacion mund te gjeni tek libri “Biznesi Shqiptar, Me te miret 2020”

Emri i kompanisë: Agroblend
Xhiro e biznesit 2019: 34 milion EURO
Ndryshimi në % 19/18: +46
Numri i punonjësve: 184
Vendndodhja: Vorë, Tiranë

Sa herë që një biznesmen realizon një investim të cfarëdo përmase, por sidomos kur investimi është i rëndësishëm, ai nëpërmjet sipërmarrjes së tij, nëpërmjet guximit të tij, nëpërmjet dinamikës së veprimtarisë së tij prodhon një lajm dhe situatë pozitive për biznesin në tërësi. Sepse nëpërmjet konkretizimit të idesë dhe kapitalit të tij ai e shton inventarin e pasurisë kombëtare dhe pasuron mozaikun e biznesit shqiptar edhe me një “gur” tjetër të cmuar. Ndaj, refleksi i gjithkujt, i cdo qytetari e konsumatori duhet të jetë dashamirësia për të konstatuar faktin që investimi i biznesmenit është i mirëpritur dhe i shpërblyer nga tregu. Për grupin “Agro Blend” viti 2019 ishte disi vit i vecantë. Pse jo, ishte edhe një vit, ku ankthi i natyrshëm i ecurisë së aktivitetit ishte më i madh se sa vitet e tjera. Dhe kjo ishte plotësisht e ligjshme. Sepse viti 2019 ishte viti i parë i plotë kalendarik i punës së fabrikës së makaronave “Diamond”.

Me shume Informacion mund te gjeni tek libri “Biznesi Shqiptar, Me te miret 2020”

Emri i kompanisë: CFO Pharma
Xhiro e biznesit 2019: 35 milionë euro
Numri i punonjësve: 300
Vendndodhja: Tiranë

Teksa shqyrtonim dhe analizonim të dhënat ekonomiko-financiare të kompanive më të mëdha e më të suksesshme, në kuadër të Botimit Kombëtar “Biznesi Shqiptar: Më të Mirët 2020” nuk ishte e vështirë të dalloje që në tregun farmaceutik skeptri i më të mirit i takonte sërish kompanisë CFO Pharma. Për arsyen e thjeshtë sepse rezultonte kompania më e madhe e sektorit farmaceutik, me rreth 35 milionë euro xhiro-tregues ky që rendit atë në vendin e 64 ndër bizneset më të mëdha të Shqipërisë.
CFO Pharma eshte kompani lider ne tregun farmaceutik shqiptar, e themeluar ne vitin 2003. Qe nga viti themelimit e deri me sot ajo ka njohur vetem rritje dhe zgjerim. Fokusi i kompanise eshte regjistrimi, importimi, shperndarja, shitja, marketing, promovimi dhe eksportimi i produkteve farmaceutike, pajisjeve medicinale dhe shtesave ushqimore.

Me shume Informacion mund te gjeni tek libri “Biznesi Shqiptar, Me te miret 2020”

Xhiro e biznesit 2019: 36 milion EURO
Ndryshimi në % 19/18: +3
Numri i punonjësve: 397
Vendndodhja: Vrisera, Gjirokastër, Kosovë,
Maqedoni, Greqi

Çdo vit kur marrim të dhënat dhe analizojmë të dhënat ekonomiko-financiare të biznesit shqiptar konstatojmë se kompania Elka sa është aty, midis më të mirave të biznesit shqiptar. Duke i patur të gjitha “kartat” e suksesit në rregull, madhësinë e biznesit, fitimin, eksportin, numrin e punonjësve etj. Elka sa bën pjesë në atë numur të paktë kompanish shqiptare, që ka të gjitha treguesit në rregull. Gjatë vitit 2019 realizoi një aktivitet në nivelin e 34 milionë eurove. Pak a shumë sa i një viti më parë, por që gjithsesi mjaftoi për ta renditur kompaninë në vendin e 68 ndër kompanitë më të mëdha shqiptare. Dhe kur mendon se një rezultat i tillë është arritur duke tregtuar rreth 123 artikuj të ndryshëm të konsumit të përditshëm, atëhere kupton më mirë protagonizmin e kësaj kompanie në treg dhe nivelin dominues të garës prej saj.

Me shume Informacion mund te gjeni tek libri “Biznesi Shqiptar, Me te miret 2020”