2021

Emri i kompanisë: Kastrati Group
(Kastrati SHA, Kastrati, Albsig, ASA Autostar Albania, TENET etj)
Xhiro e aktivitetit 2020: 600 milionë euro
(Kastrati SHA, Kastrati, TENET, Albsig, Auto Star Albania, etj)
Numri i punonjësve: 1200
(Kastrati, Kastrati sh a, Albsig, Auto Star Albania, etj)
Vendndodhja: Durrës

Edhe pse ka kaluar më shumë se një vit, pamjet e Shqipërisë në kohën e fillimit të pandemisë janë të freskëta për këdo. Rrugë të boshatisura, makina ta parkuara ose të future në garazhe prej urdhrit të qeverisë, dalje vetëm me leje të siguruar nga e-Albania në një orë të caktuar dhe për një kohë të caktuar. Ato pamje të pazakonta e krijuan një perceptim që biznesi më i prekur ndoshta nga pandemia do të ishte ai i tregtimit të karburanteve. Dhe një ide dhe perceptim I tillë tashmë konfirmohet edhe nga shifrat. Gjigandi i këtij tregu, Kastrati Group duket se ka patur një aktivitet të ndikuar negativisht nga kriza e Covid 19. Nga karantina e vendosur prej qeverisë dhe nga kufizimi i lëvizjeve për një periudhë të gjatë. Janë numrat e biznesit që e konfirmojnë këtë. Kastrati Sh.a që është edhe kompania më e madhe në tregun e karburanteve ka regjistruar gjatë vitit 2020 një aktivitet në nivelin e 46 miliardë lekëve ose rreth 390 milionë eurove. I krahasuar me vitin paraardhës, që ishte një vit normal konstaton se ndikimi i pandemisë ishte afro 18 miliardë lekë rënie, Ose afro 150 milionë euro. Ose mbi 25 për qind rënie.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: Balfin Group (Albchrome, Neptun,
Mane TCI, Green Coast, Banka e Tiranës, Spar,
Kid Zone, TEG, BFI Trade, QTU, etj)
Xhiro e biznesit 2020: 260 milionë euro
Numri i punonjësve: 3000
Vendndodhja: Tiranë

Përpara pak viteve, gjatë një takimi punë me presidentin e Balfin Group, Samir Mane, ai tha se në Shqipëri nuk i kishte mbetur më gjë tërheqëse për të bërë. “I kam provuar të gjitha, dëshiroj që të zgjerohem me biznes në tregun rajonal e më gjërë” – deklaroi ai. Një deklaratë e tillë nuk është tregues vetëkënaqësie. As tregues megalomanie, sikundër mund ta perceptojnë disa. Por është thjesht dëshmi shumë e qartë realizmi për atë se ku ka arritur ky biznesmen e ku synon më tej. Pasi është mëse e vërtetë që në Shqipëri, Samir Mane ka prekur majat, ai ka rrokur suksesin absolut, qoftë horizontal e qoftë vertikal. Si rrallë kush, ai ka ndjekur politikën e diversifikimit të aktivitetit të tij si biznesmen në fusha të ndryshme si nxjerrje e mineralit të kromit, përpunim i tij, ndërtim banesash e kompleksesh rezidencialë, ndërtim dhe menaxhim qendrash tregtare, tregti artikujsh elektroshtëpiakë, tregti me pakicë e artikujve të ndryshëm, aktivitet bankar, aktivitet në telekomunikacione, aktivitete në supermarket, bujqësi etj.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: Gjonaj Group ( Telecom, Promarketing, Digicom, Enertrade, Probroker)
Të ardhura bruto 2020: 250 milion EURO
Numri i punonjësve: 600
Vendndodhja: Tiranë

Nga një studim që është bërë kohë më parë rreth moshës së pronarëve të bizneseve kryesore shqiptare rezultonte që shumica e tyre ishin mbi 60 vjec. Dhe kjo është mëse e kuptueshme. Këta pronarë e nisën biznesin atëhere kur filloi sistemi i ri ekonomik dhe vazhdojnë me protagonizmin e tyre duke shfrytëzuar avantazhin e të qenit pionerë të biznesit shqiptar.
Kjo tregon se sa e vështirë është për të rinjte për tu futur në elitën e biznesit shqiptar. Por jo se është e pamundur. Rrugën se si mund të nisësh një biznes në Shqipëri, në kushtet kur thuajse të gjitha sektorët janë të ezauruar e të , e tregon Marin Gjonaj.
Nëpërmjet shembullit të tij. E ka nisur biznesin këtu e dhjetë vite më parë kur ishte vetëm 20 vjec dhe sot radhitet cdo vit tek klasa e biznesmenëv të rëndësishëm të vendit, duke qenë edhe biznesmen i madh, edhe biznesmen me impakt social, edhe biznesmen kreativ, edhe biznesmen efektiv. Kur e filloi biznesin, nuk e ndërmori këtë hap duke iu bashkangjitur një sektori me shumë operatorë dhe duke shpresuar që nëpërmjet konkurencës të merrte pjesën e tij të tregut.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: “Kurum International”
Xhiro e biznesit 2020: 193 milion EUR
Numri i punonjësve: 615
Vendndodhja: Elbasan

Për biznesin shqiptar, viti 2020, ishte i vështirë. Pandemia krijoi një situatë të tillë, nga e cila u prekën thuajse të gjitha kompanitë shqiptare. Ndaj, kur bie fjala për ndonjë kompani në vecanti, pyetja më e natyrshme që mund të bëhet lidhur me shkallën e ndikimit dhe aspektet ku u konkretizua ky ndikim është mëse e natyrshme.
Një pyetje e tillë është me vend të bëhet edhe për Kurum International, si një nga kompanitë më të mëdha në vend për prodhimet e hekurit dhe celikut. Aq më tepër, që pandemia erdhi në një moment, kur KURUM kishte ndezur motorët e saj dhe po funksiononte shkëlqyeshëm për disa vite me radhë, që pas shpalljes së falimentit. Por që duhet theksuar gjithmonë që falimentimi i Kurum-it ka qenë një akt në respektim të ligjit, meqënëse kompania u ndodh përballë një konjukture të pafavorshme aktiviteti dhe jo një falimentim i përhershëm. E vërteta është se në muaj e parë të pandemisë, pra në periudhën nga marsi deri në gusht, aktiviteti i kompanisë u cënua ndjeshëm.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë Delta Group
Xhiro e biznesit 2020: 112 milionë EUR
Numri i punonjësve: 1215
Zyrat qëndrore: Tiranë

Risia e këtij viti është hapja e fabrikës nën brandin DC Industries në Bergamo, Itali. Asgjë nuk ndodh rastësisht këtë e vërteton puna dhe pozicioni ynë në piedestalin më të lartë të biznesit Shqipëtar dhe jo vetëm pasi Delta Group është tashmë prezent në të tre kontinentet Europe, Afrikë dhe USA me produktet nga kompanitë Delta Home, Deutschcolor, Dast, Delta tashmë edhe DC Industries , kjo fale vizionit dhe përkushtimit të Founder & CEO Z.Luan Muça. Delta Group ndër vite është vleresuar me disa cmime te rendesishme si: “Biznesi më i suksesshëm Import – Export per vitin 2014” , “Marka e Vitit” për Deutschcolor ne vitin 2015, “Superbrands Albania” , “Superbrands Kosova” etj.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë Credins Bank
Xhiro e biznesit 2020: 79 milionë EUR
Numri i punonjësve: 1000
Zyrat qëndrore: Tiranë

Credins Bank u licencua në 2003 duke qenë banka e parë me kapital shqiptar dhe me një slogan origjinal: Ne flasim gjuhën tuaj. Përgjatë 18 viteve aktivitet, Credins Bank ka zgjeruar prezencën me rrjetin e degëve, të ATMs dhe POSs, duke shtuar në mënyre të vazhdueshme gamën e shërbimeve dhe produkteve bankare dhe sot mund të themi me krenari që ofrojmë dhe mbulojmë 3600 nevojat financiare të çdo klienti anembanë vendit.
Credins Bank ka qenë partneri kryesor i shumë investimeve dhe sipërmarrjeve shqiptare dhe një nga kontribuuesit kryesorë në fushën e përgjegjësisë sociale në të gjitha aspektet duke afirmuar më tej imazhin si banka e të gjithë shqiptareve. Sot, Credins Bank renditet në 3 bankat më të mira në treg, e para ne kredi dhënie dhe e dyta ne total asetesh dhe depozitash. Sikurse sot, banka ka mbi 950 punonjës profesionistë dhe të talentuar, 57 degë me shtrirje në të gjithë Shqipërinë dhe mbi 340,000 klientë (individë, biznese dhe institucione).

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: EHW, Conad Albania, Qafshtama
Xhiro e biznesit 2020: 75 milion EURO
Numri i punonjësve: 500
Vendndodhja: Tiranë, Krujë

Biznesmeni i mirënjohur, Luan Leka pati fatin që vitin 2020 kompanitë e tij ta mbyllin me performancë shumë të mirë dhe të përmirësuar, krahasuar me një vit më parë. Pra, edhe pse ishte vit shumë i vështirë prej pandemisë, edhe pse vështirësi hasën, sikurse është e kuptueshme edhe kompanitë e tij, rezultati final në fund të vitit ishte mëse i pëlqyeshëm. Në fakt, që kur filloi
pandemia, që kur shteti shqiptar i panikosur prej të panjohurave të saj vendosi karantinën tremujore u pa qartë se biznesi ushqimor nuk do të kishte ndonjë tronditje. Sepse njerëzit do të vazhdonin jetesën në rrethana të lëvizjeve të bllokuara gjithsesi. Ndaj dhe performanca e siguruar nga EHW, Conad Albania, Conad Food Trade dhe Uji Qafshtama nuk ka pse të habisë kërrkënd. Conad Albania dhe Conad Food Trade realizuan një volum aktiviteti prej 6.5 miliardë lekësh. Krahasuar me një vit më parë rritja është rreth 800 milionë lekë ose rreth 15 për qind. Conad Albania u rendit në vendin e 80 ndër kompanitë më të mëdha të Shqipërisë, kurse Conad Food Trade në vendin e 92.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: ONE Communications
Xhiro e biznesit 2020: 70 milion EURO
Numri i punonjësve: 350
Vendndodhja: Tiranë

Kompania ONE Telekommunications është e para kompani e telefonisë celulare në Shqipëri, por që ka patur gjatë jetës së saj disa ndryshimë pronësie. Fillimisht lindi si kompani me kapital publik shqiptar dhe ishte kompania e parë dhe e vetme në tregun e telefonisë mobile nga viti 1995 deri në vitin 1999. Më pasa u ble nga kompania e njohur Cosmote. Pas privatizimit, ecuria e kompanisë ishte tejet e mirë dhe kjo është e kuptueshme për vetë shkallën e ulët të depërtimit të popullsisë shqiptare në telefoninë e lëvizshme dhe mungesën e konkurëncës së fortë (kompania e dytë në këtë treg e mori licensën në vitin 2000). Liberalizimi i tregut të telekomunikacioneve dhe shndërrimi i tij në një treg me 4 operatorë e forcoi shumë konkurencën dhe Kompania AMC ndryshoi pronësinë diku nga viti 2015, duke ndryshuar emrin në treg dhe duke u paraqitur me Telekom Albania. Nën këtë emër vazhdoi thuajse 4 vite, për të ndryshuar sërish pronësi dhe tashmë kompania është ONE Communications. Duket se privatizimi i fundit dhe kalimi nën pronësinë e Albania Telekom Invest Ad i ka bërë mirë kompanisë. Pasi gjatë vitit 2020, “ONE Telekommunications” arriti që të ruajë nivelin e të ardhurave të një viti më parë, duke siguruar pra rreth 8.5 miliardë lekë të ardhura. Edhe pse ishte vit i vështirë prej pandemisë, edhe pse depërtimi i SIM ka arritur në 117 për qind të popullisë, sërish ONE ka arritur të zgjerojë bazën e saj të klientëve në 37 për qind të bazës totale.

Më shumë informacion mund të gjeni tek libri “Biznesi Shqiptar, Më të mirët 2021”

Emri i kompanisë: Sigal Uniqa Group Austria
Xhiro e biznesit 2020: 65 milion EURO
Ndryshimi në % 20/19: +9
Numri i punonjësve: 1500
Vendndodhja: Shqipëri, Kosovë, Maqedoni

Ndërsa shëtiste në rrugët e Milanos, nën shoqërinë e një miku, me të cilin kishte shkuar për të festuar Vitin e Ri 1999, Avni Ponari u gjend para zyrave impresionuese të kompanisë së sigurimeve Generali. “E njeh, është Generali, kompani shumë e madhe sigurimesh”-i thotë miku shoqërues, Avni Ponarit, duke u përpjekur ta intrigojë, pasi vetëm 6 muaj më parë ai kishte marrë licencën për të krijuar një kompani private sigurimesh. “E njoh, dhe jo vetëm e njoh, por kompania ime “SIGAL” pas 20 vitesh do të jetë si Generali”-i përgjigjet Avni Ponari. Tani që kanë kaluar pak më shumë se 20 vite “SIGAL Uniqa Group Austria” ka vërtet fizionominë e kompanisë Generali. Sepse, ashtu sikurse Generali është një nga kompanitë më të mëdha të tregut të sigurimeve në botë, Edhe “SIGAL Uniqa Group Austria” është kompania më e madhe e sigurimeve.

Më shumë informacion mund të gjeni tek libri “Biznesi Shqiptar, Më të mirët 2021”

Xhiro e biznesit 2020: 61 milion EURO
Ndryshimi në % 20/19: +12
Numri i punonjësve: 200
Vendndodhja: Thumanë

Kompania “Antea Cement” bën pjesë në grupin e atyre bizneseve që e mbaruan aktivitetin e tyre gjatë vitit 2020 të pandikuara nga pandemia. Dhe kjo është e shpjegueshme dhe e kuptueshme lehtë. Si një industri, prodhimi i së cilës ka lidhje me sektorin e ndërtimit, ecuria e këtij sektori kushtëzon për mirë apo për keq veprimtarinë edhe të kompanive prodhuese të cimentos,
sikurse është Antea. Mirëpo ndërtimi nuk pati asnjë frenim nga pandemia. Ndërtimet e reja në Tiranë vazhduan me intensitetin e zakonshëm, projektet e infrastrukturës të nisura vitet e kaluara, të kombinuara këto edhe me iniciativat e reja, gjithashtu ishin në ritëm të mirë. Ndërkohë që, ky sektor pati një “bonus” të vecantë. Fatkeqësia natyrore e tërmetit të para dy viteve krijoi një konjukturë të favorshme për kompanitë që veprojnë në sektorin e ndërtimit dhe të prodhimit të materialeve bazë për to. Zhdukja e gjurmëve dhe plagëve të tërmetit, nëpërmjet programit të rindërtimit, i përqëndruar kryesisht në Tiranë, Lac e Fushë Krujë, solli një rritje të kërkesës për produktet bazë.

Më shumë informacion mund të gjeni tek libri “Biznesi Shqiptar, Më të mirët 2021”